Təhsil İnstitutu dissertantura və doktoranturaya qəbul elan edir
Azərbaycan Respublikası Təhsil İnstitutu (ARTİ) 2023-cü il üçün fəlsəfə və elmlər doktoru proqramları üzrə dissertanturaya və doktoranturaya (əyani və qiyabi) sənəd qəbulu elan edib.
Xarici dil imtahanını müvəffəqiyyətlə vermiş şəxslərin fəlsəfə üzrə imtahanı 4, 5, 6 sentyabr, ixtisas imtahanı isə 11,12,13 sentyabr 2023-cü il tarixlərində baş tutacaq.
Doktoranturaya sənəd qəbulunun “Təhsil Mərkəzləşdirilmiş İnformasiya Sistemi” (TMİS) vasitəsilə elektron qaydada həyata keçirilməsi planlaşdırılır.
Doktorantura və dissertanturaya sənəd təqdim etmək istəyən şəxslər portal.edu.az saytı üzərindən “Ali və orta ixtisas təhsil müəssisələrinə tələbə qəbulu və qeydiyyatı” xidmətini seçərək təlimatlara uyğun olaraq qeydiyyatdan keçməlidirlər.
Qeyd edək ki, təlimat, plan yerləri, fəlsəfə və xarici dil fənnindən doktorluq imtahanının proqramı, 2022-ci ildə xarici dil fənnindən imtahan materialı üçün qeyd olunan linklərə daxil ola bilərsiniz:
Sənəd qəbulu müddəti: 12 aprel saat 12:00-16 may saat 23:59
Ətraflı məlumat üçün: +994 12 493 82 71
+994 12 599 08 08 daxili (6209) (6236) (6212)
