Xəbərlər
29 noyabr 2023
381
Nazir: “Elmi fəaliyyəti ölçə bilən mexanizm qurulmalıdır”
“Elm ictimaiyyətinin nə qədər yeni bilik yarada bilməsi əsas sualdır. Elmi fəaliyyətin nəticəsində yaranan məhsul nə qədər lazımdır, buna cavab tapmaq mütləqdir. Yəni əsas məsələ elmi məhsulu ortaya qoymaqdır”.
“Report” xəbər verir ki, bunu elm və təhsil naziri Emin Əmrullayev Azərbaycan Milli Elmlər Akademiyasının (AMEA) bu gün keçirilən ümumi yığıncağında çıxışı zamanı deyib.
Nazir bildirib ki, elmi fəaliyyəti ölçəbilən mexanizm qurulmalıdır.
“Son dövrlər kifayət qədər struktur islahatları həyata keçirilib. Elmdə kəşflər və ixtiralar önəmlidir”, - deyə E.Əmrullayev qeyd edib.
