İctimai təşəbbüslərlə bağlı 19 layihəyə qrant veriləcək
Elm və Təhsil Nazirliyi tərəfindən keçirilən “2022/2023-cü illərdə təhsilin inkişafı üzrə ictimai təşəbbüslərin dəstəklənməsi” qrant müsabiqəsinin nəticələri açıqlanıb.
Nazirlikdən bildirilib ki, müsabiqəyə ümumilikdə 77 layihə təqdim edilib. Layihələr müsabiqənin ekspert qrupu tərəfindən aşağıdakı 3 mərhələ üzrə qiymətləndirilib:
I mərhələ – müsabiqə iştirakçılarına verilən tələblərin qiymətləndirilməsi;
II mərhələ – layihə təkliflərinə verilən tələblərin qiymətləndirilməsi;
III mərhələ – layihə təkliflərinin məzmununun 100 ballıq şkala üzərindən 6 meyar əsasında qiymətləndirilməsi.
Nəticələrə əsasən, I və II mərhələlərdən keçən, III mərhələdə ən yüksək bal toplayan 19 layihəyə qrant verilməsinə dair qərar qəbul edilib.
Qrant verilməsi nəzərdə tutulan layihələrin siyahısı ilə keçid vasitəsilə tanış olmaq mümkündür.
