Bu gün Azərbaycan da istər media, istərsə də radio yayımlarında təqdim olunan verilişlərin hər birinin funksiyası cəmiyyəti maarifləndirmək, bilgiləndirmək və əyləndirməkdir.
Hər üç funksiya öz işini layiqincə yerinə yetirir. İEOÖ ( İnkişaf etməkdə olan ölkələr) sırasında olan ölkəmiz hər bir sahəsinə xüsusi diqqət yetirir. Həmçinin də Media yayım qurumlarına . Qloballaşan dünyada texnologiya inkişaf edir, insanlar bir-birilə fərqli biçimlərdə, fərqli məcralarda ünsiyyətə girir və bu, əlbəttə ki, medianı da yenidən şəkilləndirir. Əvvəllər birəbir ünsiyyət qurulurdu, bu şifahi, ağızdan-ağıza keçirdi, daha sonra kitab çapının ixtirası ilə yazılı ünsiyyət yayğınlaşdı. Sonra telefon və televiziya ilə bu ünsiyyət audiovizuallaşdı. Günümüzdə isə internetin və kompüterlərin verdiyi imkanlarla kommunikasiya virtuallaşdı. Bu virtual məkan informasiya, kontent və media arasındakı əlaqəni daha da sıxlaşdırdı. İndi rəqəmsallıq, zaman-məkan sərhədsizliyi, interaktivliyini olduğu bir virtual məkandan bəhs edirik. Bu üç element, əslində, elə yeni medianın bel sütunudur.
İnternet vasitəsilə əlçatmaz bilgi adlandırdığımız məlumatları əyani şəkildə görmə imkanımız olur, onlar haqqında müəyyən məlumatlar əldə edirik. Bir sözlə bilgilənirik, maariflənirik. Bəs, görəsən, Azərbaycan media resusrlarında bilik əsasında formalaşan yayımlara üstünlük verilirmi? Apardığımız araşdırma nəticəsində, belə qənaətə gəlmək olar ki, həm televiziyalarda, həm də radioda elmi bilikləri sual-cavab şəklində yayımlayan verilişlərə böyük əhəmiyyət verilir. Bu müsbət bir hadisədir. Necə deyərlər, yeddidən-yetmişə hər bir insanın maraq dairəsinə uyğun gələn intellektual verilişləri xoşlayır və bilgilənirlər.
Televiziya yayım şirkətlərində təqdim olunan ”61”,” Xəmsə”,” Mən Azərbaycanlıyam”,” Breyn Rinq”, "Əlaçı”, "Nə? Harada? Nə zaman?” və s. kimi verilişlərin hər birinin məqsədi intellektual yayımları təşkil etməkdir.
Adı çəkilən verilişlər içərisində, olduqca maraqlı və pozitiv intellektual veriliş "Xəmsə”ni nümunə göstərə bilərik. Belə ki, yayımın məğzi müxtəlif yaş qrupları- məktəblilər, tələbələr, böyüklər arasında bilik yarışmalarını keçirməkdir.”Xəmsə” verilişi 2007-ci ildən etibarən "NƏ? HARADA? NƏ ZAMAN?” oyunu üzrə Azərbaycan çempionu Faiq Hüseynov tərəfindən yaradılmış beynəlxalq statuslu milli intellektual komanda oyunudur. Oyun ilk dəfə 2007-ci il 2 fevral tarixində geniş auditoriyaya təqdim olunub. 2007- ci il yayınından 2018-ci il avqustun 17-dək televeriliş şəklində ilk dəfə İctimai Televiziyada yayımlanıb. Verilişin aparıcısı kanalın idman oyunları şərhçisi Tural Dadaşovdur. Qeyd etmək olar ki, 2011-ci ilin sentyabrında oyun Ukraniyanın Odessa şəhərində keçirilən "Nə? Harada? Nə zaman?” yarışması üzrə Dünya çempionatında da nümayiş olunmuşdur. Oyunun qaydaları –hər bir komanda heyətində 5 oyunçu iştirak edir. Oyun komandalardan ibarətdir. Veriliş raundlarla əhatələnib: fərdi raund, son raund və ”Xəmsə” raundu.
Bu tip verilişlərin yayımlanması MAG-in ( Müasir Azərbaycan Gəncləri) şəxsi inkişafı, elmi biliklərinin artırılması, ölkəmiz üçün gələcək savadlı kadrların yetişdirilməsi məqsədini daşıyır.
Gülayə Məcid
