Xəbərlər
18 sentyabr 2023
494


Zal nəzarətçisi fəaliyyətinin sertifikatlaşdırılması prosesinin qeydiyyat mərhələsi başlanıb


Zal nəzarətçisi sertifikatı əldə etmək üçün Azərbaycan Respublikasının vətəndaşı olan, məhkumluğu olmayan, ali təhsilli, tabeliyindən və mülkiyyət növündən asılı olmayaraq hər hansı bir təşkilatda işləyən (pedaqoji profilli ixtisaslar üzrə bakalavr və ya subbakalavr peşə-ixtisas dərəcəsinə malik olan və dövlət qulluğu sertifikatı olan şəxslərdən iş yeri tələb olunmur), yaşı 22-45 arasında olan və fiziki cəhətdən sağlam olan şəxslər müraciət edə bilərlər.


Bu barədə  Dövlət İmtahan Mərkəzindən məlumat verilib. Zal nəzarətçisi sertifikatı əldə etmək üçün namizədlər aşağıdakı mərhələləri keçməlidirlər:


– Müsahibə və psixometrik ölçmələr;


– Ümumi intellekt səviyyəsinin yoxlanılması üçün test imtahanı;


– Təlimlər;


– İmtahanların texnologiyası və prosedur qaydalarına dair test imtahanı.


Namizədlər zal nəzarətçilərinin fəaliyyətinin sertifikatlaşdırılması prosesinin hər bir mərhələsində yalnız bir dəfə iştirak edə bilər.


Zal nəzarətçisinin fəaliyyətinin sertifikatlaşdırılması prosesinin qeydiyyatı, sənədlərin qəbulu, müsahibə və psixometrik ölçmədə iştirak etmək üçün ödəniş tələb olunmur. Ümumi intellekt səviyyəsinin yoxlanılması üçün ilkin test imtahanı, təlimlər və imtahanların texnologiyası və prosedur qaydalarına dair test imtahanı isə ödənişli əsaslarla həyata keçirilir.


Zal nəzarətçisi fəaliyyətinin sertifikatlaşdırılması prosesinin qeydiyyat mərhələsinə artıq start verilib və noyabrın 1-də başa çatacaq.


Şəxsin sertifikatlaşdırmada iştirakı onun fərdi elektron müraciəti əsasında aşağıdakı ardıcıllıqla həyata keçirilir:


1. Namizədlər ilk olaraq Mərkəzin internet saytında “Şəxsi kabinet” yaradır, müvafiq səhifəyə daxil olub elektron anket formasını doldurur, elektron poçt ünvanının düzgünlüyünü 6 rəqəmli kodu göndərməklə təsdiq edir, zal nəzarətçilərinin fəaliyyətinin sertifikatlaşdırılması qaydaları ilə tanış olur və anketini təsdiq edir.


Namizədə qeydiyyatdan keçdikdən sonra elektron poçt ünvanına müsahibə və psixometrik ölçmələr mərhələsinə qeydiyyatdan keçməklə bağlı bildiriş göndərilir. Elektron anketə daxil olaraq müsahibə tarixi və saatını seçir. Namizəd müsahibəyə gələrkən özü ilə aşağı qeyd olunan sənədləri gətirir:


-Şəxsiyyət vəsiqəsi;


-Təhsil haqqında sənəd (diplom);


-İş yeri haqqında arayış (pedaqoji profilli ixtisaslar üzrə bakalavr və ya subbakalavr peşə-ixtisas dərəcəsinə malik olan və dövlət qulluğu sertifikatı olan şəxslərdən arayış tələb olunmur. İş yerindən arayış tərtib olunma tarixi göstərilməklə təşkilatların blanklarında çap olunur, təşkilatın və ya struktur bölmənin rəhbərləri tərəfindən imzalanır);


-Dövlət qulluğu sertifikatı (namizədlərin dövlət qulluğu sertifikatının olub-olmaması elektron formada Müsahibə Komissiyası tərəfindən yoxlanılır);


-Məhkumluq barədə arayış.


Müsahibələr Bakı şəhəri və DİM-in regional bölmələrinin yerləşdiyi şəhər və ya rayonlarda (Naxçıvan, Gəncə, Şəki, Lənkəran, Xaçmaz, Şəmkir, Bərdə, Göyçay və Şirvan) keçirilir.


Namizəd müsahibədən dərhal sonra psixometrik test imtahanına cəlb edilir.


Müsahibə və psixometrik ölçmələr mərhələsində namizədin ümumi dünyagörüşü, nitqi, fiziki və psixoloji cəhətdən sağlamlığı, stress vəziyyətində işləmək bacarığı yoxlanılır.


2. Müsahibə və psixometrik testdən uğurla keçən namizədlər ümumi intellekt səviyyəsini yoxlayan ilkin test imtahanı mərhələsinə dəvət edilir. İlkin test imtahanına qeydiyyatdan keçməklə bağlı bildiriş namizədin elektron poçt ünvanına göndərilir. Namizəd elektron anketinə daxil olaraq ilkin test imtahanında iştirak etmək istədiyi tarixi və saatı seçir.


Namizəd imtahan günü bildirişdə göstərilən vaxtda imtahan verəcəyi binanın qarşısına gəlməli və şəxsiyyət vəsiqəsini gətirməlidir. Test imtahanı elektron formada keçirilir və imtahan nəticələrini dərhal müəyyənləşdirmək imkanı verir. İmtahanda namizədlərə məntiqi təfəkkürü yoxlayan 30 qapalı tipli test tapşırığı təqdim olunur. Hər bir test tapşırığının düzgün cavabı bir balla qiymətləndirilir və səhv cavablar ümumi nəticəyə təsir etmir. İmtahanın müddəti 1 saatdır və ümumi nəticəsi 40 faiz (12 bal) və daha yuxarı olan namizədlər növbəti mərhələyə buraxılır.


3. İlkin test imtahanı mərhələsini uğurla keçən namizədlər əyani vəsaitlərlə təmin edilir (zal nəzarətçisi təlimatı, normativ sənədlər və s.) və müəyyən edilmiş qrafikə uyğun olaraq ikigünlük təlimə cəlb olunurlar. Təlimlərə qeydiyyat elektron qaydada aparılır. Namizədin elektron poçt ünvanına bildiriş gəldikdən sonra elektron anketinə daxil olaraq təlimin günü və vaxtını seçir.


“İmtahan prosesinin psixoloji xüsusiyyətləri” və “DİM tərəfindən keçirilən imtahanlar, imtahan proseduru və zal nəzarətçilərinin fəaliyyəti” təlimləri haqqında ətraflı məlumat DİM-in saytında yerləşdirilib.


4. Sonda namizədə təlimlər zamanı əldə etdiyi biliklərinin ölçülməsi üçün imtahanların texnologiyası və prosedur qaydalarına dair test imtahanına qeydiyyatdan keçməklə bağlı bildiriş göndərilir. Namizəd elektron anketinə daxil olaraq test imtahanının tarixini və saatını seçir.


Test imtahanı elektron formada kompüter vasitəsilə həyata keçirilir. Yekun test imtahanında namizədlərə 30 qapalı tipli test təqdim edilir. Hər bir test tapşırığının düzgün cavabı bir balla qiymətləndirilir və səhv cavablar ümumi nəticəyə təsir etmir. İmtahan müddəti 45 dəqiqədir. Bu imtahandan ən az 60 faiz müsbət nəticə göstərən namizədlərin nəticəsi məqbul hesab olunur. Namizədin fəaliyyəti aşağıdakı kateqoriyalara uyğun olaraq sertifikatlaşdırılır:


– 90 faiz və ondan yüksək nəticə göstərdikdə – A kateqoriyası;


– 60 faiz və ondan yüksək, lakin 90%-dən aşağı nəticə göstərdikdə – B kateqoriyası.


“Əməkdar müəllim” fəxri adı alan müəllimlər təlimlərdə iştirak etdikdən sonra A kateqoriyası üzrə zal nəzarətçisi sertifikatı əldə edirlər.


Namizədin nəzarətçi qismində fəaliyyətinin sertifikatlaşdırılması ona zal nəzarətçisi statusunun verilməsi hesab olunur və bu barədə zal nəzarətçilərinin bazasında qeyd aparılır.


Qaydalarda nəzərdə tutulmuş tələblərə uyğun gələn Vətən müharibəsinin iştirakçıları və “Əməkdar müəllim” fəxri adı alan müəllimlər sertifikatlaşdırma prosesində nəzərdə tutulmuş bütün ödənişlərdən azaddırlar. (Təsdiqedici sənədlər müsahibə zamanı namizəd tərəfindən təqdim edilməlidir).

Məqalə Göndər








Загрузка...
Həmçinin oxuyun:
Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb

Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb

Sanitariya-epidemioloji salamatlıq haqqında Azərbaycan Respublikasinin Qanunu

Sanitariya-epidemioloji salamatlıq haqqında Azərbaycan Respublikasinin Qanunu

Maaşlarla bağlı qərar verildi - Kim nə qədər əməkhaqqı alacaq?

Maaşlarla bağlı qərar verildi - Kim nə qədər əməkhaqqı alacaq?

“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası”  2017

“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017

Uşaq hüquqlarının həyata keçirilməsinə dövlət nəzarəti  QAYDASI

Uşaq hüquqlarının həyata keçirilməsinə dövlət nəzarəti QAYDASI

Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi

Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi

Pedaqoji Lüğət

Pedaqoji Lüğət

Təhsil Nazirliyinin ƏSASNAMƏSİ

Təhsil Nazirliyinin ƏSASNAMƏSİ

Məzuniyyətlər haqqında  AZƏRBAYCAN RESPUBLİKASININ QANUNU

Məzuniyyətlər haqqında AZƏRBAYCAN RESPUBLİKASININ QANUNU

Ümumtəhsil  müəssisələrində  işəgötürənlə  pedaqoji işçilər arasında əmək  müqaviləsinin bağlanmasına dair  T Ö V S İ Y Ə L Ə R

Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R

Peşə məktəbindən universitetə açılan qapı

Peşə məktəbindən universitetə açılan qapı

Ən çox soruşulan 34 SUALA CAVABLAR....

Ən çox soruşulan 34 SUALA CAVABLAR....

Məktəb  həkiminin  işi haqqında  təlimat

Məktəb həkiminin işi haqqında təlimat

Kadr hazırlığı ölkəmizin sənaye, iqtisadi inkişafına uyğun aparılacaq

Kadr hazırlığı ölkəmizin sənaye, iqtisadi inkişafına uyğun aparılacaq

Sağlamlıq imkanları məhdud şəxslərin təhsili (xüsusi təhsil) haqqında   AZƏRBAYCAN RESPUBLİKASININ QANUNU

Sağlamlıq imkanları məhdud şəxslərin təhsili (xüsusi təhsil) haqqında AZƏRBAYCAN RESPUBLİKASININ QANUNU

2017-2018  Ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların  işə qəbulu və yerdəyişməsi   QAYDALARI

2017-2018 Ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi QAYDALARI

Təhsil müəssisələrinin tikintisinə dair vahid normalar -1.Məktəbəqədər təhsil müəssisələri

Təhsil müəssisələrinin tikintisinə dair vahid normalar -1.Məktəbəqədər təhsil müəssisələri

Paytaxt təhsili 2021-ci təqvim ilində

Paytaxt təhsili 2021-ci təqvim ilində

AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI

AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI

Pedaqoji kadrların yerdəyişməsi və işə qəbulu  QAYDALARI

Pedaqoji kadrların yerdəyişməsi və işə qəbulu QAYDALARI

Bakı təhsili: təqvim ilinin təhsil mənzərəsi

Bakı təhsili: təqvim ilinin təhsil mənzərəsi

QƏRAR   № 103  "Ümumi təhsil pilləsinin dövlət standartı və proqramları (kurikulumları)"nın təsdiq edilməsi haqqında

QƏRAR № 103 "Ümumi təhsil pilləsinin dövlət standartı və proqramları (kurikulumları)"nın təsdiq edilməsi haqqında

Azərbaycan Respublikasında təhsilin inkişafı üzrə Dövlət Strategiyası

Azərbaycan Respublikasında təhsilin inkişafı üzrə Dövlət Strategiyası

İmtahanlarda nəzarətçi olmaq istəyənlərin nəzərinə

İmtahanlarda nəzarətçi olmaq istəyənlərin nəzərinə