Təhsil sisteminin keyfiyyəti onun TOP menecerlərinin peşəkarlığına müvafiqdir-İLHAM ƏHMƏDOV

 QS Reytinq agentliyi ölkələrin təhsil reytinqini dərc edib. Bu siyahıda TOP 50 ölkə əks edilib. Siyahıda 5  postsovet  ölkəsi də var. 

15 postsovet  respublikaları  vaxtı ilə eyni informasiya təhsil məkanında  olduqları üçün 30 il əvvəl start vəziyyətləri  də təxminən eyni idi. 

İndi biz  bu reytinqdə 150+ mövqedə olarıq yəqin ki.  Təhsilin inkişafında  nə  fərq yarandısa,  son 30 ildə, xüsusən də son 20 ildə  oldu.  

Bu reytinqdə  50+ sırada olan ölkələrin təhsil nazirlərinin  içində görəsən 2-ci bir təhsil naziri  də varmı ki,  özünün və rəhbərlik etdiyi  nazirliyin illərcə səmərəsiz fəaliyyətini ört basdır etmək üçün cəmiyyəti, müəllimləri, valideynləri, bir sözlə hamını  günahkar saysın? 

Pis məktəb, pis müəllim, pis şagird yoxdur, pis təhsil sistemi var. 

Təhsil sistemini mükəmməl qurmaq, səmərəli idarə etmək, ölkəni yüksək keyfiyyətli insan resursları ilə təmin etmək isə bu sahənin TOP menecerlərinin başlıca  vəzifəsidir. 

Təhsil sistemi düz qurulsa, reytinqlərdə yaxşı mövqelər də yaranacaq. 

Bu sistemin başında oturanlar əgər 30 ildən sonra da öz səhvlərini görmürlərsə,  sistemə düzgün diaqnoz qoymaq  və real işlər görmək əvəzinə ətrafda hamını günahkar hesab edirlərsə, onda bunlar vəziyyəti necə dəyişəcəklər ?

Hanı sizin strategiya? 

Hanı sizin yol xəritəniz? 

Ordunu qalib və ya məğlub edən ordunun  əsgəri  deyil, orduya rəhbərlik edənlərdir.  Bu haqda Napoleonun da maraqlı fikri var.

Biz ordunun başında dayanan komandanın həlledici amil olduğunu  2020-ci ildə 2-ci Qarabağ  müharibəsindəki  Zəfərimizdə bir daha gördük.  

Hər bir ölkənin təhsil sisteminin keyfiyyəti,  onun  səmərəsi də eyni ilə onun TOP menecerlərinin peşəkarlığı,  fəaliyyətinin səmərəliyi və fədakarlığı  ilə təyin edilir. 

Bu reytinqdəki TOP 50 ölkələrdə olduğu kimi.

Çünki, onlar təhsilin millətin gələcəyi olduğunu daha yaxşı dərk edirlər.