Marketinq Fəaliyyətinin İnkişafına Dəstək İctimai Birliyi iqtisadi rayonlarda biznes mühitinin qiymətləndirilməsi” layihəsini icra etmişdir.
Marketinq Fəaliyyətinin İnkişafına Dəstək İctimai Birliyi Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin Maliyyələşdirdiyi “Quba-Xaçmaz iqtisadi rayonunda biznes mühitinin qiymətləndirilməsi” layihəsini 07 oktyabr 2022-ci il tarixində icra planına uyğun olaraq, Quba rayonunda icra etmişdir.
Layihədə Quba rayon İcra Hakimiyyətinin sosial-iqtisadi inkiafın təhlili və proqnozlaşdırılması şöbəsinin baş məsləhətisi Məmmədov Rüstəm və Kiçik və Orta Biznesin İnkişafı Agentliyinin Quba rayonu üzrə nümayəndəsi Cəfərov Asif iştirak etmişdir.
Quba rayon İcra Hakimiyyətinin sosial-iqtisadi inkiafın təhlili və proqnozlaşdırılması şöbəsinin baş məsləhətisi Məmmədov Rüstəm sahibkarları salamlayaraq “Quba-Xaçmaz iqtisadi rayonunda biznes mühitinin qiymətləndirilməsi” layihəsinə qatıldıqları üçün onlara təşəkkürünü bildirdi və Azərbaycan Respublikasının Prezidenti Cənab İlham Əliyevin rəhbərliyi ilə “Regionların sosal-iqtisadi inkişafı” dövlət prorqamının faydaları haqqında geniş məlumat verdi. Sonra sözü “Quba-Xaçmaz iqtisadi rayonunda biznes mühitinin qiymətləndirilməsi” layihəsinin rəhbəri Sənan Yəhyaya verdi.
Layihə rəhbəri Sənan Yəhya iştirakçıları salamlayaraq layihənin donoru və layihənin məqsədləri (Layihənin məqsədi Quba-Xaçmaz İqtisadi rayonunda 100 nəfər sahibkarla (Şiyəzən-20 nəfər, Şabran-20 nəfər, Xaçmaz-20 nəfər, Quba-20 nəfər, Qusar-20 nəfər) görüşərək, investisiya və ixracla bağlı dövlət qurumlarının həyata keçirdiyi dəstək fəaliyyətləri müzakirə edilməsi və sahibkarların dövlətdən gözləntilərinin öyrənilməsindən ibarətdir. Vəzifələri isə regionda sahibkarlarla görüşərək, sorğu metodu ilə qiymətləndirmələrin aparılması haqqında sahibkarlara geniş məlumat verdi.
Daha sonra söz Kiçik və Orta Biznesin İnkişafı Agentliyinin Xaçmaz rayonu üzrə nümayəndəsi Rüstəm Məmmədova verildi.
Rüstəm Məmmədov Kiçik və Orta Sahibkarlığın İnkişafı Agentliyinin yaranma tarixi və Quba rayonunda həyata keçirdiyi fəaliyyətlər haqqında geniş məlumat verdi.
Layihə rəhbəri Sənan Yəhya sahibkarlara dövlət tərəfindən yaradılan fürsətlər və dəstəklər haqqına geniş məlumat verdi. Eyni zamanda sahibkarları maraqlandıran suallar cavablandırıldı.
