AzMİU tələbələri üçün “Dreamland Baku”da “Məzun günü” keçirib
Azərbaycan Memarlıq və İnşaat Universitetinin (AzMİU) 2021-2022-ci tədris ili məzunlarının təntənəli buraxılış mərasimi keçirilib. “Dreamland Baku”da düzənlənən mərasimdə dövlət rəsmiləri, millət vəkilləri, özəl qurumların nümayəndələri, universitetin əməkdaşlıq etdiyi şirkətlərin rəhbərləri, AzMİU-nun professor-müəllim heyəti, valideynlər və digər qonaqlar iştirak ediblər. “Məzun günü” Azərbaycanın dövlət himninin səsləndirilməsi, ulu öndər Heydər Əliyev və torpaqlarımızın ərazi bütövlüyü uğrunda canlarından keçən Vətən övladlarının xatirəsinin bir dəqiqəlik sükutla yad olunması ilə başlayıb.
Mərasimi açıq elan edən AzMİU-nun rektoru, professor Gülçöhrə Məmmədova universitetin təntənəli buraxılış gecəsində “məzun” adını qazanan tələbələri təbrik edib, gələcək karyeralarında uğurlar arzulayıb:
“Əziz məzunlar! Dörd il bundan əvvəl həyatınızda ən böyük uğura imza ataraq tələbə adını qazandınız. Bu gün isə böyük bir şərəf və iftixarla AzMİU-dan ayrılırsınız, məzun olursunuz. İmtahan həyəcanı, yuxusuz gecələr, sessiya stresi, gənclik həyatının ən şirin dönəmi olan tələbəlik illərinin sevincli və kədərli, narahat və qayğılı, ömrünüzün təkrarolunmaz anları artıq geridə qaldı. Artıq həyatınızın müstəqil, eyni zamanda daha məsuliyyətli dövrünə qədəm qoyursunuz, sizə bu yolda yalnız uğurlar diləyirəm, yolunuz açıq olsun. Hansı mövqedə olursunuzsa-olun, dövlətimizə, vətənimizə xeyirli bir övlad, vətəndaş olun, millətimizin adını həmişə, hər yerdə uca tutun”.
Rektor çıxışında 44 günlük Vətən müharibəsində Prezident İlham Əliyevin rəhbərliyi ilə rəşadətli Ordumuzun qazandığı şanlı Qələbəyə də toxunub. Fəxrlə vurğulayıb ki, Vətən müharibəsində bizə Qələbə sevincini yaşadanlar sırasında AzMİU-nun mərd tələbə və məzunları, Vətən torpağı uğrunda canından keçən 24 şəhidi, onlarla qazisi var: “Şəhidlik zirvəsinə yüksələn oğullarımızın ruhu qarşısında dərin hörmət və ehtiramla baş əyirik, onların əziz xatirəsini daima yaşadacağımıza söz veririk”.
Sonra rektor universitetin qazandığı uğurlardan, builki məzunların nəticələrindən danışıb. Bildirib ki, başa vurduğumuz tədris ilində AzMİU-nu bakalavriat səviyyəsində 26 ixtisas üzrə 1596, magistratura səviyyəsində 42 ixtisaslaşma üzrə 312 tələbə olmaqla cəmi 1908 gənc bitirir. SABAH qruplarında inşaat mühəndisliyi ixtisasında təhsil alan 15 tələbə də bu siyahıda yer alır. Tələbələrimizin böyük hissəsi oxuduğu müddətdə yaxşı nəticələr göstərib, bakalavr tələbələrimizdən beş, magistr tələbələrimizdən də yeddi nəfər fərqlənmə diplomuna layiq görülüb. Universitetin nəzdində olan İnşaat Kollecinin məzunlarından doqquzu təhsilini fərqlənmə diplomu ilə başa vurub. Onu da qeyd edək ki, bu il AzMİU-nu bitirənlər arasında Türkiyə, İraq, İran, Qazaxıstan, Suriya, Rusiya və Gürcüstandan 72 bakalavr, dörd magistr məzun var.
Rektorun çıxışından sonra Təhsil Nazirliyinin rəhbərliyi adından məzunları təbrik edən nazir müavini Firudin Qurbanov onlara peşəkar karyeralarında uğurlar arzulayıb, bu il məzunlar arasında yer alan qazilərimizi təltif edib.
Tədbirin gedişində AzMİU-nun müxtəlif fakültələrini əla qiymətlərlə fərqlənmə diplomu ilə bitirən məzunlarına qırmızı diplomlar təqdim edilib. Tədbirdə çıxış edən digər qonaqlar – Dövlət Şəhərsalma və Arxitektura Komitəsinin sədr müavini İlqar İsbatov, “Azəriqaz” İstehsalat Birliyinin Baş direktoru Ruslan Əliyev, Milli Məclisin deputatları Jalə Əhmədova, Aydın Mirzəzadə, Bakı şəhəri Memarlıq və Şəhərsalma Baş İdarəsinin rəisi Rüfət Mahmud, birinci müavini Akif Abdullayev, Yasamal rayonu İcra Hakimiyyətinin başçısı Elşad Həsənov, YAP Yasamal rayon təşkilatının sədri Bəxtiyar Nəbiyev, Memarlar İttifaqı İdarə Heyətinin katibi Rüfət Ağazadə də məzunları təbrik edib, uğurlar arzulayıblar. Qonaqlar universitetin ictimai işlərində xüsusi fəallıqları ilə seçilən, ümumi orta müvəffəqiyyət göstəricisi yüksək olan məzunları təltif ediblər. Məzunlar tələbəsi olduqları ali təhsil ocağında universitet rektorluğu və müəllim kollektivi tərəfindən hər zaman qayğı və diqqətlə əhatələndiklərini söyləyərək universitet rəhbərliyinə təşəkkürlərini bildiriblər.
Məzunların buraxılış gecəsi maraqlı konsert proqramı ilə davam edib. AzMİU-nun özfəaliyyət ansamblının üzvləri, möhtəşəm partilərin aparıcısı Elcan Rahim və DJ Kamo öz çıxışları ilə məzunların sevincinə şərik olublar.
Misir MƏRDANOV: Böyük rəhbərin həyat dərsləri
AzMİU-da "Məzun Günü" keçirilib
Uşaq və gənclər arasında “Əziz Şuşa, sən azadsan! Əziz Şuşa, biz qayıtmışıq!” adlı Beynəlxalq Yaradıcılıq Müsabiqəsinin təltifetmə mərasimi keçirilib
İnşaat Kollecinin şəhid məzunu AzMİU-da anılıb
AzMİU-da “Azərbaycan memarlıq irsinin qorunması və istifadəsi” adlı elmi konfrans keçirilib
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
AzMİU-da Milli Qurtuluş Günü qeyd olunub
Uğurlu təhsil islahatlarının banisi
Prezident Bakıda Hərbi Qənimətlər Parkının açılışında iştirak edib
AzMİU-da Əziz Əliyevin yubileyi qeyd olunub
Dahi şəxsiyyətin təkrarsız portret cizgiləri
Paytaxt təhsili 2021-ci təqvim ilində
Bakı təhsili: təqvim ilinin təhsil mənzərəsi
"Bütün müəllimlərin 70%-nin əməkhaqqında artım olub"-nazir yazır
AzMİU-da “Azərbaycanın işğal altında olan ərazilərinin gələcək inkişaf konsepsiyası” layihəsi təqdim olunub
İlk təcrübə və böyük uğur
AzMİU-da 31 Mart – Azərbaycanlıların Soyqırımı Günü qeyd olunub
“Məktəb Guşəsi” saytının 5 yaşı tamam olur
ADPU-nun Heydər Əliyev Mərkəzində Ümummilli Liderin anadan olmasının 94 illiyinə həsr olunmuş elmi-praktik konfrans keçirildi
Mehriban Əliyeva – birinci xanımın PORTRET cizgiləri
ADPU-nun rektoru, professor Cəfər Cəfərov Rektoryanı Şuranın iclasını keçirib
Paytaxt məktəbində Milli Qəhrəmanın büstünün açılış mərasimi keçirilib
Beynəlxalq aləmdə Azərbaycanı çox böyük nüfuza və hörmətə layiq olan ölkəyə çevirdi, ərazi bütövlüyü bərpa olundu.
Memarlıq və İnşaat Universitetində İslam Həmrəyliyi Oyunlarının təbliğatı aparılıb