Məktəblərdə riyaziyyat dərnəkləri üçün vəsait çap olundu

XXI əsrdə Müstəqil Azərbaycan Respublikasının Təhsil sisteminin əsas məqsədlərindən biri uşqları və gəncləri müasir dünyadakı həyata hazırlamaq, öyrənməyə can atan, problem qoyub həll etməyi bacaran, hər tərəfli və dərin biliyə, tətbiqi hazırlığa, tənqidi və yaradıcı düşüncəyə malik, dəyişikləri qəbul etməyə və onlarda fəal istiraka hazır olan, özünü yaşadığı cəmiyyətin bir hissəsi hesab edən yeni nəsil-demokratik dövlət vətəndaşları yetişdirməkdir.

Yaşadığımız kompüter dünyasında insanların gündəlik fəaliyyətlərinin riyaziyyat tərkibi olduğudan, onun həyatındakı rolu və əhəmiyyəti yüksəldikcə riyaziyyat elminə daha dərinən yiyələnmək, həyata tətbiqinin optimal və səmərəli yollarını inkişaf etdirmək zərurətə çevrilmişdir. Ona görə də təhsil alanlara verilən riyazi bilik və bacarıq cəmiyyətin tələbatına uyğunlaşdırmalıdır.

Riyaziyyatın təliminə verilən mühüm tələblər öyrənənlərin idrak fəaliyyətini inkişaf etdirmək onlarda öz biliklərini müstəqil surətdə artırmaq nəticələr çıxarmaq, yeni ideyalar yaratmaq və onları müvəffəqiyyətlə həll etmək, yaradıcı fəaliyyətlə məşğul olmaq bacarığı aşılamaqdır.

Vəsaitə hesab, cəbr, triqonometriya və həndəsəyə aid faydalı hesab edilən məsələ və misalların müxtəlif üsullarla həlli daxil edilmişdir.

Məktəblərdə fəaliyyət göstərən və riyaziyyatı dərindən öyrənmək istiyənlər üçün yaradılan dərnəklər, olimpiada hazırlığı qrupları bu məsələdə şagird və müəllimlərə daha geniş imkanlar yaradır. Son dövrlər belə hazırlıqlar üçün vəsait çatışmazlığı hiss olunur. Bu vəsait həmin dərnək və məşğələlər üçün faydalı olduğunu düşünürəm. Bu vəsait öyrənilənlərin riyazi biliyinin keyfiyyətini yülsəltmək, yaradıcı təfəkkürünü inkişaf etdirmək, fənnə marağını artırmaq, problemin orjinal və gözəl həllini axtarmaq, onun müxtəlif metod, üsul və texnikalarla həllini tapmağı bacarmaq, iradəlilik və dözümlük kimi keyfiyyətləri inkişaf etdirmək məqsədi ilə yazılmışdır.

Vəsaitdən ümumtəhsil məktəblərinin müəllim və şagirdləri dərnək və maraq kursuna aid məşğələlərdə, eləcə də riyaziyyat olimpiadalarına hazırlaşarkən istifadə edə bilərlər.

Nadirİsrafilov Təhsil eksperti .