Pedaqoji nəşrlər
10 iyun 2016
8 966
Riyaziyyat həvəskarları üçün “Natural və tam ədədlər” adlı kitab çap olundu
Bildiyimiz kimi,ölkəmizdə orta ümumtəhsil məktəblərində tədris olunan fənlərin yaxşı və daha keyfiyyətli mənimsənilməsi üçün, bəzən şagirdlər orta məktəb dərsliklərindən əlavə digər dərsliklərdən, materiallardan istifadə etməli olurlar. Bu vəsaitlər ilk növbədə şagirdlərin mənimsənilmiş biliklərinin möhkəmləndirilməsində, o cümlədən təlim nəticəsi zəif olan şagirdlərin bilik və bacarıqlarının inkişaf etdirilməsində mühüm rol oynayır. Hamımız bilirik ki, "Riyaziyyat bütün elmlərin şahıdır” (K. Qauss). Ona görə də şagirdlərin bu fənnə olan maraqlarının artırılması, hər bir müəllimin, riyaziyyatçının əsas vəzifələrindən biri olmalıdır. Belə bir kitabın hazırlanmasının əsas səbəblərindən biri də, ölkəmizdə riyaziyyat fənni üzrə kifayət qədər dərs vəsaitlərinin olmamasıdır. "Natural və tam ədədlər” adlı bu kitab orta məktəb şagirdləri, abituriyentlər və riyaziyyat həvəskarları üçün nəzərdə tutulmuşdur. Kitab üç əsas hissədən ibarətdir. Kitabın ilk hissəsi, yəni nəzəriyyə hissəsində natural və tam ədədlər, onların xarakterik xüsusiyyətləri, ədədlər nəzəriyyəsindən bir sıra mühüm teoremlər qeyd edilmişdir. İkinci hissədə isə natural və tam ədədlərə aid məsələ və misallar həlləri ilə birgə verilmişdir. Qeyd edək ki, kitabın bu hissəsində olan izahlı suallar asandan nisbətən çətinə doğru təsnifatlaşdırılmışdır. Nəhayət, kitabın üçüncü və son hissəsində mövzu üzrə bilik və bacarıqların möhkəmləndirilməsi üçün nəzərdə tutulmuş sərbəst həll etmək üçün məsələ və misallar verilmişdir.
Əziz oxucular!
Kitaba dair rəy və təkliflərinizi aşağıdakı elektron poçt ünvanları və ya telefon nömrələri vasitəsi ilə kitab müəlliflərinə çatdıra bilərsiniz.
e-mail: [email protected], [email protected]
Tel: 055-672-57-79, 051-344-44-22
