230 № -li tam orta məktəbdə "Biz ordumuzla fəxr edirik " adlı tədbir keçirilib -VİDEO

12 may tarixində Bakı şəhəri 230 saylı tam orta məktəbdə "Biz ordumuzla fəxr edirik" adlı əsgərlərimizə dəstək tədbiri keçirilmişdir. Tədbirdə Qarabağda gedən döyüşlərdə iştirak etmiş döyüşçülər, Qarabağ qaziləri, Ağdamın Novruzlu kəndinin nümayəndələri iştirak edirdi. Dövlət himninin ifasından sonra məktəb şagirdlərinin ordumuzun son döyüşlərdəki zəfərlərindən bəhs edən məlumatlar səsləndi və həmin döyüşlərdə şəhid olmuş esgerlerimizin eziz xatirəsi bir dəqiqəlik sükutla yad olundu

.Tədbir şagirdlərin ifasında ordumuzu vəsf edən şeir və mahnıların səslənməsi ilə davam etdi. Tədbirdə çıxış edən qonaqlar şagirdlərimizə gözəl çıxışları üçün təşəkkür etdi və bu cür vətənpərvər gəncliyi olan Azərbaycanın tezliklə işğal altında olan torpaqlarımızın azad olunacağına inandıqlarını söylədilər.Tədbirin sonunda məktəbin direktoru Elşən Qafarov Novruzlu kəndindən olan Qarabağ qazisi ,yerli özünümüdafiə batalyonunun komandiri olmuş Pənah Qurbanova Azərbaycan bayrağını hədiyyə edərək ,tezliklə həmin bayrağın işğaldan azad ediləcək Novruzlu kəndində dalğalanmasını arzuladığını bildirdi