Valideyn
10 may 2016
19 525
Valideyn komitəsinin hüquqları və vəzifələri
Valideyn komitəsinin hüquqları və vəzifələri
– məktəb rəhbərliyi ilə birgə icra aparatları, ictimai təşkilatlar, baza və müəssisələr, assosiasiyalar,
kooperativlər, birliklər qarşısında məktəbin fəaliyyətinə kömək göstərilməsi üçün məsələ qaldırır;
– ümumi icbari təhsil fondunun bölgüsündə iştirak edir;
– uşaqların tərbiyəsində müvəffəqiyyətlərinə görə valideynlərin mükafatlandırılmasında iştirak edir və
həmçinin, uşağın tərbiyəsinə laqeyd yanaşan valideynlərə ictimai təsir göstərir, həmin məsələlərlə bağlı
valideynlərin iş yerlərinə, müəssisənin müdiriyyəti və ictimai təşkilatlarına məktubla müraciət edir;
– valideynlərin məktəbdə və məktəbin mikrorayonunda növbətçiliyini təşkil edir;
– Şagirdlərin ideya-siyasi tərbiyəsinin təşkilinə, uşaqların, ictimai-faydalı əməyin müxtəlif formalarına,
peşə seçməyə, dərnəklərə, sinifdənxaric və məktəbdən kənar işlərin başqa növlərinə cəlb edilməsinə kömək
göstərir.
Valideyn komitəsinin vəzifələri
– məktəb valideyn komitəsi şagirdlərin təlim-tərbiyəsini həyata keçirməkdə məktəbə kömək məqsədilə
yaradılır;
– pedaqoji kollektivin və ailənin uşaqlara vahid tərbiyə təsirini bərqərar etmək məqsədilə ailə ilə
məktəbin əlaqələrini hərtərəfli möhkəmləndirir;
– valideyn ictimaiyyətini məktəbin həyatında, sinifdənxaric və məktəbdənkənar işin təşkilində fəal iştirak
etməyə cəlb edir;
– əsas və orta təhsilin həyata keçirilməsində məktəbə köməklik göstərir;
– əhali arasında geniş pedaqoji təbliğatın təşkilində iştirak edir;
– məktəbin təsərrüfat və maddi-tədris bazasının möhkəmləndirilməsinə köməklik göstərir;
– uşaqların tərbiyəsində valideynlərin məsuliyyətini artırır;
– məktəbin birliklər, assosiasiyalar və s. təşkilatlarla müqavilə bağlamasına kömək edir;
– məktəbin xarici ölkələrin məktəbləri ilə əlaqə yaratması üçün stimul yaradır.
