Gəncə şəhər 25 №-li tam orta məktəbdə AXC-nin 100 illiyinə həsr olunmuş tədbir təşkil olunub

Gəncə şəhər N.Nərimanov adına 25 nömrəli tam orta məktəbdə Aytən Cumaliyevanın sinif müəllimi olduğu 1-ci sinif şagirdlərinin təqdimatında Azərbaycan Xalq Cumhuriyyətinin 100 illik yubileyinə həsr olunmuş tədbir keçirilib. Haminin maraqla qarşıladığı tədbirdə əlifbanı yeni öyrənən birincilər Vətənə-doğma Azərbaycanımıza, Vətənin keşiyində duran əsgərlərə, dövlətə və dövlətçiliyə aid şeirıər söylədilər, mahnılar oxudular.

Ən maraqlısı isə, müəllimlərinin yazdığı ssenari əsasında Cumhuriyyətin fəallarının iclası zamanı-göstərilən tamaşa idi. Körpə fidanlar, obraza girərək, M.Ə.Rəsulzadəni, F.Xoyskini, R.Göyalpı, Ə.Hüseynzadəni, Ü.Hacıbəylini yaratdılar.

Dövlət atributlarını yaranmasının tarixini bir daha yaşatdılar. Müxtəlif musiqiləri ifa etdikdən sonra, sonda, "Türk marşı" nın sədaları altında, Azərbaycan və Türk bayraqlarını dalğalandıran məktəblilər .Körpə fidanların ifa etdikləri hərbi-vətənpərvərlik mahnılarını və səsləndirdikləri şeirlər tədbirdə iştirak edən valideyin,müəllim və yuxarı sinif şagirdləri tərəfindən alqışlarla qarşılandı.

Tədbirin sonunda N.Nərimanov adına 25 nömrəli tam orta məktəbin direktoru Səmadil Əliyeva çıxış edərək, Aytən Cumalıyevaya təşəkkür etdi, belə bir tədbirin Şuşada, Xankəndində keçirilməsini arzu etdi. , Gəncə şəhəri Təhsil Şöbəsinin Metodiki Mərkəzin metodistləri Ağgül müəllimə, Ülviyyə müəllimə də tədbirdən razı qaldıqlarını, belə bir möhtəşəm tədbirin məhz 1-cilərlə keçirilməsinə görə məktəb rəhbərliyinə və təşkilatçılara təşəkkür etdilər. Həmin tədbirin görüntülərini sizlərə təqdim edirik.