Ağstafa rayon ümumtəhsil müəssisələrində Bayraq Günü geniş qeyd edilib
Noyabrın 8- də Qırılı kənd tam orta məktəbində Bayraq Gününə həsr olunmuş rəsm müsabiqəsi və "Azərbaycan bayrağı uşaqların gözü ilə” adlı tədbir keçirilib.
Tədbirdə şagirdlər bayrağımıza həsr edilmiş şeirlər danışıb, şəhnəciklər təqdim ediblər. Məktəbin direktoru Gültəkin İsmayılova, məktəbin müəllimi Azadə Bayramova, Ağstafa Rayon Təhsil Şöbəsinin metodisti Təranə Abdullayeva çıxış edərək 9 noyabr tarixindən danışıblar.
Tədbirin sonunda rəsm müsabiqəsinin qaliblərinə məktəb rəhbərliyi tərəfindən diplom və hədiyyələrlə təltif olunub.
Noyabrın 8- də Ağstafa rayon Dağ Kəsəmən 2 saylı tam orta məktəbində "Bir kərə yüksələn bayraq bir daha enməz” adlı tədbir təşkil olunub. Tədbirin keçirilməsində əsas məqsəd milli atributlarımızın təbliği, şagirdlər arasında vətənpərvərlik hisslərinin və milli-mənəvi dəyərlərin aşılanmasıdır.
Tədbirdə Ağstafa Rayon Təhsil Şöbəsinin əməkdaşları, məktəb kollektivi və şagirdlər iştirak edib. Şagirdlərin ifasında səhnəciklər, musiqi və şeirlər səsləndirilib. Tədbirin sonunda xatirə şəkli çəkilib.
Nəcibə Vəliyeva Ağstafa
