Xəbərlər
19 oktyabr 2016
4 082
Abşeron rayonunda “Multikulturalizm ili”nə həsr olunmuş respublika rəsm müsabiqəsinin rayon mərhələsi keçirilib.
Azərbaycanı dünyada multikulturalizm mərkəzi kimi tanıtmaq, gənc istedadları üzə çıxarmaq, yer üzündə müharibələrə etiraz etmək, uşaqlarda digər millətlərə, dinlərə hörmət və dözümlülük hissi aşılamaq, uşaqların təhlükəsiz, azad və xoşbəxt yaşamalarına dəstək vermək məqsədilə təhsil nazirinin müvafiq əmrinə əsasən ölkə miqyasında məktəblilər arasında "Multikulturalizm ili”nə həsr edilmiş müsabiqə keçirilir.
Oktyabr ayının 19-da Abşeron rayonunda "Multikulturalizm ili”nə həsr olunmuş respublika rəsm müsabiqəsinin rayon mərhələsi keçirilib. Müsabiqədə ümumtəhsil məktəblərinin şagirdləri iştirak ediblər.
Uşaq Yaradıcılıq Mərkəzinin direktoru Gülşən Zeynalova tədbiri açıq elan edərək musabiqənin məqsəd və məramı barədə ətraflı məlumat verib. Rayon Təhsil Şöbəsinin rəhbəri Kamran Rzayev və Rayon Ağsaqqallar Şurasının sədri Nadir Ağayev çıxış edərək bildiriblər ki, bu cür rəsm müsabiqələrinin keçirilməsi istedadlı gənclərin üzə çıxarılmasına əlverişli şərait yaradır.
Daha sonra münsiflər heyəti tədbir iştirakçıları ilə birlikdə uşaqların rəsmlərinə tamaşa ediblər.
Qeyd edək ki, müsabiqə 3 yaş qrupu üzrə (6-10, 11-14, 15-18 yaşlar) aparılıb. Hər yaş qrupu üzrə qalib bir iş (cəmi 3 iş) respublika mərhələsinə təqdim olunmaq üçün seçilib.
Aysel Tahirova .Abşeron
