230 №-li məktəbdə Şəhidə həsr olunmuş sənədli filmin təqdimatı keçirilmişdir.

30 sentyabr 2016-cı il tarixində Bakı şəhəri Fuad Fərhadoğlu adına 230 nömrəli tam orta məktəbdə məktəbin adını daşıdığı 20 yanvar şəhidi Fuad Fərhadoğlunun xatirəsinə həsr olunmuş "Şəhidlik zirvəsi I film Fuad Fərhadoğlu” sənədli filminin təqdimat mərasimi keçilmişdi. Təqdimatdan öncə məktəbin müəllim və şagirdlərin bir qrupu, şəhidin ailə üzvləri və filmin yaradıcı heyəti ilə birlikdə Fuad Fərhadoğlunu Şüvəlanda Mir Möhsüm Ağanın ziyarətində yerləşən məzarını ziyarət etmişlər.Tədbir daha sonra məktəbin akt zalında davam etmişdir. Dövlət himni sədaları altında başlayan tədbirdə şəgirlərin hazırladıqları və şəhidə həsr olunmuş şerlər səslənmişdir.

Məktəbin direktoru Elşən Qafarov tədbirdə çıxış edərək şəhidin keçdiyi şərəfli ömür yolundan danışdı və şəhidlərin həyatının hər bir azərbaycanlıya nümunə olduğunu bildirdi. Məktəb direktoru eyni zamanda bildirdi , bu sənədli filmin Azərbaycan məktəbləri arasında ilk lahiyədir və hər bir məktəbin adını daşıdığı şəhid və şəhid məzunlarının tanınması üçün əlindən gələni əsirgəməməkdə borcludur.

Şəhidin anası Dilarə xanım söz alaraq, öz növbəsində məktəb kollektivinə və yaradıcı heyyətə təşəkkürünü bildirdi.

Filmin senari müəllifi və rejissoru Cavad Səlimov öz çıxışında 230 nömrəli məktəbdən, məktəbin adını daşıdığı Fuad Fərhadoğlu və digər məzunlar haqqında sənədli film çəkməklə bağlı təklif aldıqda yaradıcı heyyətlə birlikdə sevinərək bu işi qəbul etdiklərini bildirdi.

Filmdə mətni məktəbin XI sinif şagirdi Xudiyev Mirşakir, şerləri isə VII sinif şagirdi Zeynallı Günel, VII sinif şagirdi İlyasova Ləman, X sinif şagirdi İsmayılova Ülkər səsləndirmişlər. Filmin operatoru Xəlilli Ənvər, montaj Arif Əliyeva məxsusdur.

P.S. Bildiririk ki, Fuad Fərhadoğlu Mövludov 1968-ci ildə Xəzər rayonu Şüvəlan qəsəbəsində anadan olmuş, 1990-cı il 20 yanvar tarixində şəhid olmuşdur. 230 nömrəli tam orta məktəb 1993-cü ildən Fuad Fərhadoğlunun adını daşıyır.