Xəbərlər
19 oktyabr 2016
4 466
Azərbaycanın Dövlət Müstəqilliyinin 25-ci ildönümü münasibətilə Kəngərli rayon Xok kənd tam orta məktəbində tədbir keçirilib
18 Oktyabr Azərbaycanın Dövlət Müstəqilliyinin 25-ci ildönümü münasibətilə Kəngərli rayon Xok kənd tam orta məktəbində tədbir keçirilib. Tədbirdə Azərbaycanın 25 il ərzində əldə etdiyi uğurlardan və perspektivlərdən bəhs edilib.
Tədbirdə məktəbin direktoru Emin Məmmədxanlı və müəllimlər xalqımızın 1991-ci il 18 oktyabr tarixinədək keçdiyi çətin yoldan söz açıblar. Dövlətimizin müstəqillik tarixinə nəzər salınıb. Azadlığımızı qazanmaqla, əldə etdiyimiz nailiyyətlərdən bəhs edilib. Bildirilib ki, 1991-ci il 18 oktyabr tarixində Azərbaycan Ali Soveti Dövlət Müstəqilliyi haqqında Konstitusiya Aktını qəbul edib. Bununla da dövlətimiz üçün inkişaf mərhələsinin təməli qoyulub. 71 il sonra xalqımız öz istiqlaliyyətinə yenidən qovuşub.Tədbirdə Azərbaycan Respublikasının 1918-1920-ci illərdə mövcud olan Xalq Cümhuriyyətinin hüquqi varisi olduğu da xüsusi vurğulanıb.: "1993-cü ildə ulu öndərimiz Heydər Əliyev hakimiyyətə gəldikdən sonra müstəqilliyimiz möhkəmlənib.
Sonda məktəblilər müstəqillik günü ilə əlaqədar şeirlər səsləndirib.Tədbir xoş əhval-ruhiyyədə başa çatıb.
