Xəbərlər
22 fevral 2017
2 985
Xocalı faciəsinə həsr olunan tədbir keçirilib
Fevralın 21-də Şabran şəhər 3 nömrəli tam orta məktəbdə "Xocalısız 25 il" adlı tədbir keçirilib.
Tədbirdə Rayon İcra Hakimiyyətinin əməkdaşları, məktəb rəhbərliyi, müəllimlər və şagirdlər iştirak ediblər.
Məktəbin direktoru F. Fərzəliyeva Xocalı faciəsi haqqında ətraflı məlumat verərək bu dəhşətli faciənin Azərbaycan tarixində ən qanlı hadisələrdən biri olduğunu söyləyib, erməni silahlı dəstələri tərəfindən xalqımıza qarşı törədilən bu cinayətin ağır nəticələrindən danışıb, dinc əhalinin xüsusi qəddarlıqla qətlə yetirilməsi, əsir götürülən insanların isə dəhşətli işgəncələrə, zülm və təhqirlərə məruz qaldıqlarını bildirib.
Daha sonra digər tədbir iştirakçılarının da "qan yaddaşımız Xocalı" haqqında çıxışları dinlənilib. Tədbirdə məktəblilərin hazırladıqları kompozisiya nümayiş olunub.
Qeyd edək ki, Xocalı faciəsinin ildönümü ilə əlaqədar məktəbdə şagirdlər arasında "Xocalısız 25 il" adlı rəsm müsabiqəsi də keçirilib.
aztehsil.com
Gülər Hüseynova(Şabran təhsil şöbəsi, ictimaiyyətlə əlaqələr üzrə məsul şəxs)
