Bakıda şagirdlərin ekskursiya qaydaları ilə bağlı məktəblərə təlimat göndərilib
“Məktəblilərin ekskursiyaları valideynlərin təşəbbüsü ilə həyata keçirilərsə, təəssüf ki, biz müdaxilə edə bilmərik”.
Bunu Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva jurnalistlərə açıqlamasında deyib.
İdarə müdiri məktəblilərin səfərlərinin həmin qaydalara əsasən təşkil edilməli olduğunu qeyd edib:
“Məktəblilərin ekskursiyaları ilə bağlı təlimatlar bütün təhsil müəssisələrinə göndərilib. Ümumiyyətlə ekskursiyaların təşkil edilməsi ilə bağlı prosedur qaydalar var. Məktəblər həmin qaydalara uyğun addımlar ata bilərlər. Bununla bağlı təlimat məktəblərə ötən il və bu tədris ilində də göndərilib. Qaydalara görə mütləq valideynlərin razılıq ərizəsi olmalı və təşkilati tərəfləri diqqətdə saxlanılmalıdır. Əgər valideynlər bunu öz təşəbbüsləri ilə həyata keçirirlərsə, təəssüf ki, biz müdaxilə edə bilmirik”.
