Xəbərlər
20 may 2017
2 155
Şəmkirdə "Məktəblilərin qidalanması" təlimi keçirilib (FOTO)
Mayın 19-da Azərbaycan Respublikasının Prezidenti yanında Bilik Fondunun təşkilatçılığı ilə Şəmkir Heydər Əliyev Mərkəzində "Məktəblilərin qidalanması” adlı təlim keçirilib.
Aztehsil.com xəbər verir ki, Fonddan trend-ə verilən məlumata görə, təlimdə Səhiyyə Nazirliyinin İctimai Səhiyyə və İslahatlar Mərkəzinin əməkdaşları, müəllimlər, şagirdlər və valideynlər iştirak ediblər.
Əvvəlcə Şəmkir Bilik Evinin nümayəndəsi Hicran Əliyeva çıxış edərək iştirakçılara Səhiyyə Nazirliyinin İctimai Səhiyyə və İslahatlar Mərkəzi haqqında məlumat verib.
Sonra İctimai Səhiyyə və İslahatlar Mərkəzinin əməkdaşları Şəhla Mirzəzadə və Aysel Əkbərzadə çıxış edərək məktəblilərin düzgün qidalanması, sağlamlığı, orqanizmin zərərli maddələrdən qorunması qaydaları haqqında iştirakçılara məlumat verib, onların suallarını cavablandırıblar.
