Xəbərlər
17 iyun 2016
5 948
17 İyun Azərbaycanda Tibb İşçilərinin Peşə Bayramıdır
İnsan üçün çox qiymətli olan, lakin çox vaxt qayğısına qalmadığı ən böyük sərvət sağlamlıqdır. İnsan sağlamlığının keşiyində isə tibb işçiləri durur.
Bu gün Azərbaycanda səhiyyə işçilərinin peşə bayramı qeyd olunur. Xatırladaq ki, 17 iyun ölkəmizdə Səhiyyə Nazirliyinin yarandığı tarixdir və bu günün səhiyyə işçilərinin peşə bayramı kimi qeyd olunması da elə bu amillə bağlıdır.
1918-ci ildə Xalq Cümhuriyyətinin yaradılması ilə səhiyyə tarixində yeni bir səhifə açılır. 1918-ci il iyunun 17-də ilk dəfə Azərbaycanda Səhiyyə Nazirliyi yaradılıb və bu sahə dövlətin idarəsinə keçib. Bu qərar o zaman yenicə quru-lmuş demokratik respublikanın ilk qərarlarından idi. İlk səhiyyə naziri isə ixtisasca cərrah olan Xudadat bəy Rəfibəyov təyin edilib. Sovet dövründə də Azərbaycanda səhiyyə dövlətin nəzarətində olan və daimi inkişaf edən bir sahə olub.
Tibb işçilərinin peşə bayramı gününün təsis edilməsi haqqında Azərbaycan Respublikası Prezidentinin 4 iyun 2001-ci il sərancamına əsasən hər il iyunun 17-i Azərbaycan Respublikası tibb işçilərinin peşə bayramı günü kimi qeyd olu-nur.
AzTehsil.com saytı olaraq biz də bütün səhiyyə işçilərini peşə bayramları münasibəti ilə təbrik edirik.Onlara can sağlığı ,müqəddəs olan peşə fəaliyyətlərində uğurlar arzulayırıq.
