Təhsil eksperti müəllimə hədiyyə verilməsini rüşvətlə eyniləşdirməyin əlehinədir
“Müəllim günü” və digər əlamətdar bayramlar ərəfəsində və hələ bundan bir müddət sonra da məktəblərdə uşaqlardan müxtəlif adlarla pul yığılması, hədiyyələr alınması barədə fikirlər səsləndirilməsi, iddialar irəli sürülməsi artıq bir növ, ənənəyə çevrilib.
Sanki bilərəkdən müəllim nüfuzuna kölgə salınır. Halbuki, hədiyyə etməklə, hədiyyə üçün pul yığmaq tam fərqli anlayışlardır və ikincinin qarşısı hər vəchlə alınmalıdır.
Bu fikirləri təhsil mütəxəssisi Nadir İsrafilov KİV-ə açıqlamasında bildirib.
Ekspert qeyd edib ki, əksər hallarda valideyn və ya şagirdin müəllimə öz hörmət və rəğbətini hər hansı bir kiçik hədiyyə ilə ifadə etməsi faktı ifrat dərəcədə qabardılaraq rüşvət, hətta korrupsiya səviyyəsində cəmiyyətə təqdim olunur: “Halbuki hər hansı bir formada təmənnasız minnətdarlığı rüşvət və korrupsiya ilə eyniləşdirmək son dərəcə təhlükəli tendensiyadır”.
Müəllimlərə hədiyyə verilməsi ənənəsinin hələ sovet dövründə də mövcud olduğuna diqqət çəkən Nadir İsrafilov vurğulayıb ki, bu hal indiki qədər müəllimin nüfuzuna xələl gətirməyib: “Nə qədər uğursuz müqayisə kimi görünsə də, təkzib olunmaz reallıqdır ki, kiminsə kiməsə nəsə verməsi və ya bağışlaması sıradan olan adi bir hal kimi qəbul edildiyi halda, müəllimə münasibətdə bu hal faciə səviyyəsində şişirdilir, müəllim nüfuzu alçaldılır”.
O, həmçinin şagirdin hədiyyəsinin ucuz olduğunu gördükdən sonra bütün uşaqlar qarşısında “Apar bunu anana ver” deyən müəllimlərə qarşı isə ən qətiyyətli mübarizə aparmağın hər kəsin vətəndaşlıq borcu olduğunu da qeyd edib.
Qeyd edək ki, bir neçə gündən sonra müəllimlərin bayramı - "5 oktyabr- Beynəlxalq Müəllimlər Günü" qeyd ediləcək.
Bu əlamətdar gün UNESKO-nun qərarı ilə 1966-cı ildən qeyd edilir. Həmin il təşkilat tərəfindən müəllimlərin statusunun artırılması ilə bağlı tövsiyə xarakterli sənəd də qəbul olunub.
Azərbaycanda Beynəlxalq Müəllimlər Günü 1993-cü ildən qeyd edilir.
Nadir İsrafilov: Hansı qanunda yazılıb ki, müəllimi təbrik etmək və ya ona hədiyyə vermək olmaz…?
Məktəblərdə hər hansı bir məqsədlə pul yığılması, vəsait toplanması birmənalı şəkildə yolverilməzdir.
“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017
İctimai mühitə təhsillə baglı mütəxəssis fikirləri necə təsir edir
"Məcburi köçkün məktəblərinə yerdəyişmə avqustun 26-dan etibarən mümkün olacaq"
Müəllimi ittiham eləmək asandır-Müəllim-şagird qovğası: kimdir günahkar?
Məzuniyyətlər haqqında AZƏRBAYCAN RESPUBLİKASININ QANUNU
Sinif rəhbərinin illik tədbirlər planı
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI
“Baş verənlər təkcə təhsilin problemi deyil”-AÇIQLAMA
Ümumtəhsil məktəbləri üçün İnformatika və Həyat bilgisi fənni üzrə təhsil proqramı (kurikulumu) (I-IV siniflər)(STANDARTLAR)
Kurikulumun tələbləri dərsliklərdə necə reallaşdırılır
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
Pedaqoji Lüğət
Bakı təhsili: təqvim ilinin təhsil mənzərəsi
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
Paytaxt təhsili 2021-ci təqvim ilində
Təhsili çökdürən RÜŞVƏT...- TƏHSİL EKSPERTİ
Keyfiyyətsiz dərsliklər üçün cavabdehlik yoxdur- Təhsilalanları qane edirmi?
Ümumi təhsil pilləsində təhsil haqqında dövlət sənədlərinin nümunələri və onların verilməsi QAYDASI
Əmək Məcəlləsindən çıxarış Əmək normaları, əməyin ödənİlməsi normaları, qaydaları və təminatları
Pul yığılması ilə bağlı səsyazıları ictimailəşdiriləcək – 8 Mart hazırlıqları Whatsapp qruplarında