Qərbi Kaspi Universitetinin tələbələri ilə görüş baş tutub
Təhsil Tələbə Krediti Fondu ali təhsil müəssisələrində tələbələr arasında təbliğat-təşviqat işlərinin aparılması və maarifləndirmənin artırılması məqsədi ilə silsilə görüşlərin təşkilini davam etdirir.
Bu silsilədən növbəti görüş may ayının 27-də Qərbi Kaspi Universitetinin (Qərbi Kaspi Universiteti/ Western Caspian University) tələbələri ilə baş tutub. Görüşdə Fond əməkdaşları Tehranağa Abdullayev, Orxan Abbasov və Ağca Məmmədova, universitetin auditoriyadan kənar işlər və kefiyyətin təminatı üzrə prorektor Sevda Sadıxbəyova, dekan, müəllim heyəti və tələbələləri iştirak ediblər.
Təqdimat zamanı tələbələrə təhsil tələbə kreditlərinin verilməsi qaydaları barədə geniş məlumat verilib, mövcud statistikalar paylaşılıb, gələcək hədəflər və prioritetlər haqqında müzakirələr olunub.
Sonda tələbələrin sualları interaktiv qaydada cavablandırılıb, tələbə və müəllim heyətinin təklifləri dinlənilib və qeydə alınıb.
