Deyirlər ki , müstəqilliyi qoruyub saxlamaq, müstəqilliyi əldə etməkdən çətindir.

   Bir tərəfdən Ermənistanın Azərbaycana qarşı işğalçı siyasəti , bir tərəfdən də ölkəmizdəki ictimai-siyasi vəziyyətin gərginləşməsi, hakimiyyət uğrunda siyasi partiyalar arasındakı mübarizə ölkəmizin müstəqilliyini təhlükə altına almışdı. Əhalimiz tam ümidsizliyə qapanmışdı.Belə bir çətin dövrdə , dövlətimizin varlığı üçün , müstəqqiliyimizin qorunması üçün , xalqımızın sarsılmaz , güclü bir liderə ehtiyacı var idi. Məhz belə bir çətin günlərdə xalqımız düzgün bir seçim etdi.

  Xalqımızın, tariximizin mərd oğlu , Ulu öndər Heydər Əliyevin uzaqgörənliyi , sarsılmaz iradəsi nəticəsində az bir vaxtda ölkəmizin nüfuzu artmış, istər siyasi, istərsə də iqtisadi sahədə dövlətimiz dünya dövlətləri arasında öz sözünü demişdi.Ulu öndərin ən böyük işlərindən biri hakimiyyətin ilk illərindən Azərbaycan ərazisinin 20%-nin Ermənistan tərəfindən işğal olunduğu yüksək tribunalardan dünya dövlətlərinə çatdırmasıdır. İqtisadiyyatımızı inkişaf etdirmək üçün ilk növbədə güclü ordu , güclü sənaye və xarici investorları cəlb etmək üçün siyasi sabitlik lazım idi. Güclü siyasi gedişlə ölkə daxilində olan bir sıra dağıdıcı ünsürlər məhv edildi,siyasi sabitlik bərpa olundu. Məhz bundan sonra 1994-cü il il sentyabrın 20-də " Əsrin müqaviləsi” imzalandı.Bu Heydər Əliyevin ən böyük orduda gedən struktur dəyişikliklər  nəticəsində Cənubi Qafqazda ən güclü ordu formalaşırdı. Artıq müstəqilliyimizin varlığı şübhə altında deyildi. Hakimiyyətdə olduğu 1993-2003-cü illərdə Ulu öndər hər birimizə bir daha müstəqillik ruhunu, Azərbaycançılığı aşıladı. Deyirlər ki , müstəqilliyi qoruyub saxlamaq, müstəqilliyi əldə etməkdən çətindir. Heydər Əliyevin vəfatından sonra hakimiyyətə gəlmiş İlham Əliyev Ulu öndərin ideyalarına sadiq qalaraq bu yolda mübarizəni davam etdirmişdir. Bu illər ərzində Ermənistan daim atəşkəsi pozmuş, Azərbaycana qarşı ərazi iddiasından əl çəkməmişdir.2003-cu ildən bəri İlham Əliyev yalnız sülh yolu ilə torpaqlarımızın azad olunmasını istəmiş, Ermənistan hakimiyyətinə bir sıra kompramis güzəştli şərtlər təklif etmişdir. Ermənistan rəhbərliyi isə bütün bunlara məhəl qoymamış, sərhəddə təxribatlar törətmişdir. Ali baş komandanımız həm dövlətimizin iqtisadi cəhətdən inkişafına nail olur, həmdə uğurlu siyasi gedişlər edirdi. Ölkədə böyük quruculuq işləri gedirdi.Həm mərkəzdə, həm də bölgələrdə gedən inkişaf Azərbaycanın bir sıra layihələrdə ev sahibliyi etməsi bədnam qonşularımızı və onların havadarlarını qıcıqlandırırdı.

   Düşmənlərimiz ölkəmizdə siyasi sabitliyi pozmaq, əhalidə ruh düşkünlüyü yaratmaq məqsədi ilə 2016-cı il aprelində ölkəmizin sərhədlərini pozdular. Rəşadətli Azərbaycan ordusu düşmənə layiqli cavab verdi və torpaqlarımızın bir qismi azad olundu.

 Nəhayət düşmənə layiqli cavab verməyin vaxtı çatmışdır. 2020-ci il sentyabrın 27-də düşmən tərəfinin ölkəmizə qarşı növbəti təxribatının qarşısı alındı və ordumuz əks hücuma keçdi. Ali Baş Komandanın əmri ilə bir yumruq olaraq birləşib torpaqlarımızı düşmənlərdən təmizlədik.

Bu birlik müstəqiliyimizin bariz nümunəsidir. Müstəqilliyimiz daimdir, Müstəqilliyimiz əbədidir.

Qoymadıq düşmənə o torpaqları,

Qisasın da vaxtı, zamanı varmış.

Birləşib bir millət, bir yumruq olub,

O gözəl yerləri zəfərlə aldıq.