Xəbərlər / Müəllim
18 mart 2021
972
Bu gün Azərbaycan ordusu regionun ən güclüsü,dünyanın ən müasir ordularından biridir.
1-ci Qarabağ müharibəsi Azərbaycan ordusunun müvəqqəti olaraq geri çəkilməyə məcbur olması və 20 faiz torpaqlarımızın işğal altında qalması ilə nəticələnmişdir.
Səbəb isə bir mənalı şəkldə orduda peşəkar komandanlıq heyətinin olmaması idi.
Ulu öndərimiz Heydər Əliyevin hakimiyyətə gəlməsindən və bu münaqişənin dondurulmasından sonra, müasir və peşəkar ordunun yaradılması qarşıya qoyulmuş əsas şərtlərdən biri olmuşdur. Çünki, hamı başa düşürdü ki, Azərbaycan öz tarixi torpaqlarını azad etməli və ərazi bütövlüyünü təmin etməlidir.
Ordu quruculuğunda atılan ilk addım peşəkar komandanlıq heyətinin yaradılması olmuşdur.Ulu öndər Heydər Əliyevin apardığı xarici siyasətin nəticəsi olaraq Azərbaycan ordusunda xidmət edən zabit və gizirlərin mərhələli şəkildə xarici,xüsisilə də NATO dövlətlərində hərbi təlimlərə cəlb edilməsi və hərbi məktəblərində təhsil almaları məqsədi ilə qarşılıqlı razılıqlar əldə edilmiş müqavilələr imzalanmışdır.Bu ölkələrə başda bizə dost və qardaş ölkə olan Türkiyə Cumhuriyyəti olmaqla,Amerika,Almaniya, Çin, Macarıstan, İsrail və s daxil idi. Bununla bərabər dünyada ilk dəfə Osmanlı İmperiyasının yaratdığı xüsusi təyinatlı (Yeniçeri və Akıncı) qoşun növünün də yaradılması üçün fəaliyyətlərə başlanmışdır. Dünyanın ən güclü xüsusi təyinatlılarını hazırlayan Türkiyənin "Komando”, "SAT-SAS”, Amerikanın "Ranger”, "Detta Force”, İsralin "Amor” kimi, hər kəsin məzun ola bilmədiyi çox ağır şərtlərdə təşkil olunan kurslara zabit və gizirlərimiz cəlb olunmuşdur.
Beləliklə,bu illər ərzində peşəkar Azərbaycan ordusu quruldu. Bu gün Azərbaycan ordusu regionun ən güclüsü,dünyanın ən müasir ordularından biridir.
2020 ci il 27 sentyabr tarixi düşmən təxribatlarının intensivliyi, düşmən siyasətinin sülhdən uzaqlığı və ən əsası terorçu qrupların ərazilərimizdə yerləşdirilməsi nəticəsində Azərbaycanın sülh siyasətinin səbrinin son günü oldu.
Azərbaycan ordusu terrorçuların təmizlənməsi və ərazi bütövlüyümüzün bərpa edilməsi uğrunda "Dəmir Yumruq” adlı əməliyyata başladı.
Peşəkar komandanlıq heyəti tərəfindən idarə olunan Azərbaycan ordusu düşmənə havadan, qurudan bir sözlə bütün istiqamətlərdə zərbələr endirir və müvəffəqiyyətə nail olurdu.21 ci əsrin müasir döyüş taktikasına öz damğasını vuran Azərbaycan ordusu düşmənin, dünyaya "keçilməz ohanyan xətti” deyə tanıtdığı müdafiyə xəttini bir neçə günə darmadağın edərək, 44 gün sonra mükəmməl taktika,bu günə qədər görülməmiş müasir hərbi hiylə,peşəkar idarə etmə, nümayiş etdirərək qələbə qazandı.
Bu qələbə, Peşəkar Komandanlıq nümunəsi kimi Azərbaycan tarixində yeni bir səhifə açmışdır.Qanını, canını vətəninə qurban vermis mərd oğul və qızlarımıza eşq olsun.Yaşasın Azərbaycan,yaşasın Azərbaycan ordusu!
Humanitar fənlər gimnaziyasının müəllimi Kamran Bayramov
