Təhsilimiz normadan artıq üfürdülmüş, hər an partlamağa hazır olan böyük bir şara döndərilib

Maraqlı bir mənzərə yaranıb. Ölkə hər dəfə seçki ilinə yaxınlaşdıqca , sosial gərginlik və narazılıq yaratmaq üçün müəyyən dairələr hərəkətə keçir. Təəsüf olsun ki , belə qüvvələr , hətda mərkəzi icra orqanlarda fünksional vəzifələrdə yerləşdirdikləri , xidmətkarlarının əli ilə sadə insanlara islahatlar adı ilə divan tutmaqla ,əslində həmin sadə insanları hökümətə və dövlət başçısına qarşı qaldırmaqdan çəkinmirlər. Kreslo arxasında gizlənərək öz çirkin məqsədlərini həyata keçirənlər yaxşı bilirlər ki , dövlətimiz sosial yönümlü dövlətdir.Hökümətin ,dövlət başçısının sosial sahədəki fəaliyyəti göz qabağındadır.

Təəsüf ediləcək hallardan biri də budur ki, dövlətimizi , milli varlığımızı təhsilin əli ilə "vurmaq" istəyitlər. Dövlətin təhsil siyasətini həyata keçirən və bu işə məsul olan mərkəzi icra orqanı olan Təhsil Nazirliyində bu sahəyə yad olan bəzi ünsürlər ,fikrimcə bu qara qüvvələrə canla-başla xidmət etməkdədir.

Rayon Təhsil Şöbələrinə göndərilən bu " təlimat"la tanış olduqdan sonra istər istəməz bir neçə sual yaranır :

1." Dəcəlliyi " ilə deyəsən elə Təhsil nazirinin özünü də bezdirən və nazirə eləcə də , Təhsil Nazirliyinə "sırınan" Eşqi Bağırovun " dəcəlliyinin " acı nəticələrini ölkənin ümumi təhsil pilləsində çalışan təhsilverənlər və təhsilin digər tərəfləri nə vaxta qədər həzm etməlidirlər ?

2.Təhsili sənaye texnoluqu olub ,Təhsil Nazirliyinin ümumi təhsil şöbəsinə və eyni zamanda ölkədə təhsil üzrə yeganə elmi-pedaqoji, nəzəri-metofoloji, tətbiqi xarakterli elmi araşdırmalar aparan Təhsilin İnkişafı İnistituna rəhbərlik edən , ingilis dilində danışmağı və Bayıldan "o üzə " təhsil almağı ilə özünü hamıdan ağıllı və bilikli sayan ,hərəkətləri ,danışığı ilə " şizofren " xəstədən seçilməyən Emin Əmrullayevin Təhsil Nazirliyində işi vəzifə fünksiyaları nədən ibarətdir ?

3.Təhsil Nazirliyinin İnsan Resursları Şöbəsi və onun müdiri Eşqi Bağırovun illərdir ki Müəllimlərin İşə Qəbulu müsabiqəsinin keçirilməsi zamanı buraxdığı kobud səhvlərin aradan qaldırılması ilə bağlı Təhsil naziri nə vaxt real addım atacaq ? ( Şou xarakterli mediaturlar vasitəsi ilə buraxılan nöqsanlar və ya biabırçılıqları ört-basdır etmək mümkündürmü ?- )

4. Hansı ölkədə və ya bizim ölkədə nə vaxt belə bir şey olub ki , İnsan Resursları Şöbəsi məktəblərdə dərs bölgüsü aparsın ?

5.Təhsil Nazirliyini idarə edənlər niyə hələ də görə bilmirlər ki , təhsilin idarə edilməsi ilə bağlı Təhsil Nazirliyinin mərkəzləşdirmə siyasəti təhsilimizdə münasibətləri ,eləcədə təhsilimizin özünü normadan artıq üfürdülmüş, hər an partlamağa hazır olan böyük bir şara döndərib ?

6.Qondarma C1 proqramı ilə yerlərə göndərilmiş təlimatın müddəlarının ölkə Prezidenti cənab İlham Əliyevin "Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin dərs yükünün və əməkhaqqının artırılması haqqında” 16 yanvar 2015-ci il tarixli 994 №-li Sərəncamına və Təhsil naziri Ceyhun Bayramovun 14 avqust 2018-ci il tarixli F-550 №-li "Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə" əmrinə zidd olduğu açıq-aşkar görünmürmü ?

7. Təhsil işçilərinin bir suala da - Bu ölkədə təhsil sahəsində Eşqi Bağırovun əmri, sözü keçərlidir ,yoxsa ölkə Prezidentinin və ya Təhsil nazirinin - cavabı illərdir insanları çaşdırır.

P.S. Şəkillərdə C 1 proqramı ilə bağlı RTŞ-lərə göndərilən təlimat verilib. Düşünürəm ki, 2017-ci ilin iyun-sentyabr aylarında olduğu kimi ən çox şəxsi heyəti olan və ölkənin ən fəal siyasi kütləsini təşkil edən ümumi təhsil pilləsində çalışan təhsilverənlərin 2qızışdırılması " üçün bundan əlverişli vasitə yoxdur.

Elşən Qafarov