Dövlətimiz daima təhsilimizin qayğısına qalır

Bu gün dünyada hər bir ölkənin gələcəyi həmin ölkədə təhsilin səviyyəsi ilə ölçülür. Təhsilin inkişafı hər bir ölkədə inkişaf konsepsiyasının mühüm tərkib hissəsidir. Ölkəmizdə son illərdə təhsilin inkişafı ilə bağlı həyata keçirilən tədbirlər deməyə əsas verir ki, Azərbaycan öz gələcəyini daha etibarlı və inamlı görmək əzmindədir.

. Azərbaycanda təhsilə diqqət və qayğı hələ ötən əsrin 60-cı illərindən başlamışdır. Ulu öndər Heydər Əliyev 1969-cu ilin yayından başlayaraq Azərbaycanda təhsil müəssisələrinin yeniləşdirilməsinə, onların maddi-texniki bazasının möhkəmləndirilməsinə, təhsilin keyfiyyətinə şəxsən özü nəzarət etmişdir. İstedadlı və xüsusi qabiliyyətli gənclərin üzə çıxarılması, o zaman üçün müasir və yeni sayılan texnologiyaların tətbiqi ölkə rəhbərinin daim diqqət mərkəzində olmuşdur. Ancaq ulu öndərin daha çox maraq və diqqət ayırdığı məsələ azərbaycanlı gənclərin SSRİ-nin və xarici ölkələrin nüfuzlu ali məktəblərində oxumaq üçün göndərilməsi idi..

Prezident İlham Əliyev ümummilli liderin həyata keçirdiyi həmin siyasəti uğurla davam etdirir. Bu gün Azərbaycan məktəblərinin 90 faizdən çoxu kompyuter və digər İKT avadanlığı ilə təchiz edilmişdir.

Ölkəmizin təhsil, elm, mədəniyyət, səhiyyə və digər sosial sahələrinə diqqət və qayğı göstərən respublikamızın birinci xanımı, Azərbaycanın Birinci vitse-prezidenti Mehriban xanım Əliyevanın çoxşaxəli fəaliyyəti istər ölkə ictimaiyyəti, istərsə də respublikamızdan kənarda da böyük rəğbətlə qarşılanmaqdadır. Onun respublikamızın humanitar və sosial sahələrində aktiv iştirak etməsi, bu istiqamətdəki fəaliyyəti ilə dövlət başçımız cənab İlham Əliyevə dəstək verməsi olduqca təqdirəlayiq hal kimi qiymətləndirilir.

Təhsilə qayğı birinci vitse-prezident Mehriban xanım Əliyevanındə daim diqqqət mərkəzində olub.

Mehriban xanım hələ Heydər Əliyev Fondunun prezideni olduğu dönəmdə 2005-ci ildən Fond tərəfindən həyata keçirilən "Yeniləşən Azərbaycana - yeni məktəb" proqramı cəmiyyətdə böyük rezonans yaradıb.Beleə ki, bu layihə çərçivəsində son illərdə ölkəmizdə müasir tələblərə cavab verən yüzlərlə məktəb tikilib və yenidən qurulub, həmçinin uşaq evləri və internat məktəbləri əsaslı təmir və bərpa olunub, lazımi avadanlıqla təchiz edilib

Bu gün də Azərbaycanda müəllimə diqqət dövlət siyasətinin tərkib hissəsinə çevrilmişdir.

Müəllimlərin fəaliyyətinin stimullaşdırılması istiqamətində də Heydər Əliyev ənənələri uğurla davam etdirilir.

Müəllimlik peşəsinin ictimai nüfuzunun yüksəldilməsi, bilikli və hazırlıqlı insanların bu peşəni seçməsinə stimulun yaradılması istiqamətində "Müəllimlərin dərs yükünün və əməkhaqqının artırılması haqqında” ölkə Prezidentinin sərəncamına əsasən diaqnostik qiymətləndirmədən keçən müəllimlərin əməkhaqqında əhəmiyyətli artım olmuşdur.

Təhsil islahatlarının əsas məqamlarınından biridə Azərbaycan Respublikası Təhsil Nazirliyi sisteminə daxil olan ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi nazirlik tərəfindən imtahan yolu ilə həyata keçirilir.Həmçinin Təhsil Nazirliyi sisteminə daxil olan ümumi təhsil müəssisələrinə direktorların işə qəbulu şəffaflıq və obyektivlik təmin edilməklə Nazirlik tərəfindən mərkəzləşdirilmiş qaydada üç mərhələdən ibarət müsabiqə yolu ilə həyata keçirilir.

Ümumiyyətlə Azərbaycanda təhsilə qayğı ən yüksək səviyyədədir. Bu sahədə həyata keçirilən hər islahat, baş verən hər bir hadisə ilk növbədə Azərbaycanın xoşbəxt gələcəyinə hesablanmışdır.

Mənbə Fedai.az