M.Mənsimovun tikdirdiyi kənd məktəbinin qazını kəsdilər -müəllimlər ayağa qalxdı

 

Bu gün səhər saatlarında heç kimə xəbərdarlıq edilmədən məktəbimizin qaz verilişi dayandırıldı. Masallı rayonu qaz idarəsinin əməkdaşları qaz xəttini məktəbin həyətinə girən yerdən, yəni küçədən xəlvətcə kəsəndə təsadüfən bunu gördüm. Tez özümü oraya çatdırdım və əməlli başlı insident yarandı. Bunlardan biri özünü məsul şəxs adlandıran bildirdi ki, təzə idarə rəisi gəlib və əmr belədir ki, qaz verilişi məktəbə dayandırılmalıdır. Deyirəm, ay cənab məsul şəxs! Sizin əlinizdə hansı rəsmisənəd var ki, və siz nə səbəbə qazı kəsirsiniz? Deyir sizin qaz sayğacınız stantarta uyğun gəlmir. Deyirəm standarta uyğun gəlmirsə dəyişin də, biz ki, qaz sayğacı istesal etmirik....tezliklə məsələ böyüdü. Bir saatdan sonra kənd icra nümayəndəsi də hadisə yerinə gəldi. Məktəb direktoru və həmin "məsul" şəxslə xeyli söhbətdən sonra heç nə ortalığa çıxmadı...Uşaqları soyuq sinif otaqlarından bayra çıxartdıq. Bir az sonra məktəb direktoru rayon təhsilı şöbəsinə çağrıldı. Məktəb müəllimləri mənlə bir yerdə Qaz idarəsi əməkdaşlarının xidməti maşını qarşısında dayandıq və bildirdik ki, qaz xətti bərpa olunmayana qədər burda qalacağıq. Tezliklə məsələ rayon icra hakimiyyətinə qədər gedib çıxdı. Saat 11 radələrində hadisə yerinə 5 nəfər Boradigah polis əməkdaşlarından gəlib çıxdı gəlib. Bir nəfər mayor mənimlə söhbətində bildirdi ki, rayona təzə QAZ rəisi gəlıib və bizim rəisə zəng edib ki, bəs Miyanküdə müəllimlər şuluqluq edirlər , gedin asayişi bərpa edin. Deyir bizim rəis də Həmin QAZa dedi ki, siz Miyanküyə gedəndə polisə xəbər emişdiniz ki, indi bizdən kömək istəyirsiniz?...xülasə 2006-cı ildə "Palmali" şirkətlər qrupu Miyanküdə Orta məktəb tikib, orada hər cür şərait yaradıb, hətta qaz boru xətlərini də öz hesabına çəkdirib. Amma, həftə səkkiz, mən doqquz Masallıda Qaz idarəsinin rəisi dəyişir və qaz verilişini məktəblər üçün cəhənnəmə döndərirlər. İndicə verilən məlumata görə rayon icra başçısının tapşırığından sonra belə Masallı qaz idarəsinin rəisi bunu qulaqardına vurub...