"Valideynin hədəfi uşağının diplom alması, məktəbinsə hədəfi uşağı yola verməkdir"

Son zamanlar azyaşlılara onlayn oyunlarının qadağan olunması məsələsi gündəmə gəlib. Sözsüz ki, bu oyunlar zamanla azyaşlıların həyatı üçün təhlükə mənbəyi olub, amma buna heç cür son qoymaq mümkün olmayıb.

Millət vəkili Fazil Mustafa Moderator.az -a açıqlamasında bildirdi ki, azyaşlıları bu oyunlardan uzaqlaşdırmağa qadağayla deyil, maarifləndirmə işləri aparmaqla nail olmaq olar:

"Onlayn oyunlarının azyaşlılara qadağan edilməsi problemli məsələdir. Bunu ictimai internet məkanı olan yerlərdə rəsmi qaydada etmək olar. Amma evdə yenə də bunu davam etdirəcəklər. Ona görə də bu məsələ sacədə valideynlərin və məktəblərin üzərinə düşən təbliğat işi var. Birinci bunu həll etmək lazımdır, çünki bu oyunları başqa cür həll etməyin yolu yoxdur. Bu məsələrlərdə daha çox maarifçilik işi aparılmalıdır və ciddi şəkildə valideyn-məktəb əlaqələri bu məsələlərdə xüsusi rol oynamalıdır. Təəssüflər olsun ki, bu əlaqələr də zəifdir, çünki məktəblə valideynin hədəfi başqa-başqadır. Valideynin hədəfi uşağının diplom almasıdır, məktəbin isə hədəfi müəyyən dərəcədə uşağı yola verməkdir. Ona görə də bu hədəflər özləri doğru olmayanda, uşaq mütləq hansısa yayındırıcı istiqamətlərə gedəcək. Biz bunu, valideynin və məktəbin hədəflərini dəyişməliyik ki, nə yetişdirmək istədikləri bəlli olsun. Onda artıq uşaqların çoxu daha sağlam istiqamətdə öz fəaliyyətlərini ortaya qoyacaqlar”.