Təhsil Naziri Mikayıl Cabbarova müraciət

Cənab nazir 30 ildir tarix müəllimi işləyirəm .İxtisasıma dair (Azərbaycan tarixi ) 5 tarixi kitabın ( ərəb -fars tərcümə )müəllifiyəm . 30 il dişimlə -dırnağımla , öz xərcimlə qapılardan Azərbaycan tarixinə , etn oqrafiyasına , numizmatikasına və s. dair 1000- əyaxın orjinal eksponat toplamışdım .Lakin ,kabinələrin ləğvi ilə bağlı verilən qərarla mənim də tarix kabinəm ləğv edildi , kabinə haqqı isə kəsildi .Məktəbin təmiri ilə bağlı isə topladığım eksponatlar lazımsız əşya kimi üstümə atıldı .Şagirdlərin böyük maraqla tarixlərini öyrəndikləri əkinçilik, toxuculuq , dulusçuluq , məişət əşyaları habelə numizmatik materiallar kabinədən "təmizləndi". Əvəzində 3-4 plakat və şəkil divardan asıldı .

Tarixi keçmişimizə bu cür laqeyd münasibət bir müəllim , keçmiş döyüşçü və Vətəndaş kimi qəlbimi ağrıdır . Müəllimlik fəaliyyətimin bütün 30 ilini mən bu eksponatların toplanmasına həsr etmişəm . Bunlar xalqımızın tarixinin müəyyən bir məqamını gənc nəslə praktik və əyani şəkildə çatdırmağa imkan verən eksponatlardır .S.Vurğun demişkən:

"....Hər saxsı qırığı , hər məzar daşı ,

Nəsildən -nəsilə bir yadigardır "

Odur ki , bir tarix müəllimi və bir döyüşçü kimi Sizdən xahiş edirəm ki .Xalqımızın keçmişini əks etdirən eksponatların məktəbin tarix kabinəsində yerləşdirilməsinə , həmçinin,kabinənin və kabinə haqqının bərpasına sərəncam və ya göstəriş verəsiniz

Əsədov İntiqam Əziz oğlu.

Ağdam rayon Rahib Məmmədov adına Mahrızlı kənd tam orta məktəb