Xəbərlər / Valideyn
16 iyul 2017
4 927
Valideyndən Mikayıl Cabbarova şikayət..direktor səhlənkarlığı, biganəlik....
Cəlilabad rayonundan olan vətəndaş, Qurbanova Südabə Feyzulla qızı saytımız vasitəsilə Təhsil Nazirinə müraciət edir. Müraciətin səbəbi də fənn olimpiadalarında uğur qazandığı qızının qiymətləndirilməməsidir. Bu barədə əvvəllər də bizə müraciət edilmişdi. Biz də Aztehsil.com olaraq vətəndaşın müraciətini oxucularımıza və Təhsil Nazirliyinin işçilərinə çatdırırıq.
"Hörmətli Cənab Nazir
Hörmətli Aztehsil.com
Qızım Qurbanova Nuranə Etibar qızı bu il Cəlilabad rayon, Göytəpə 1 saylı tam orta məktəbin 11 ci sinfini bitirdi. O, iki dəfə "ədəbiyyat bilicisi" müsabiqəsində qalib olub. Keçən il 4-cü yeri, bu il isə 3-cü yeri tutub. İllik qiymətləri bütün fənlərdən 5(əla) olub. Məktəbi bu cür bitirənlərə qanunla qızıl medal və xüsusi nümunəli attestat verilir. Məktəbin direktoru Seymur Cəfərovun səhlənkarlığı və ya savadsızlığından may ayında təqdimatı göndərilmədiyindən Nuranəyə qızıl medal verilmir. Qızım bu medalı, illərdir yataq xəstəsi olan atasına hədiyyə etmək istəyirdi. Cənab Nazir, hörmətli Aztehsil.com son ümüdümüz sizsiniz. Sizdən bir ana kimi xahiş edirəm ki, bizə kömək edəsiniz".
