Xəbərlər
31 may 2017
2 700
Bakı məktəblisi qızıl medal qazanıb
Bakı məktəblisi Ukraynada kikboksinq idman növü üzrə gənclər arasında keçirilən beynəlxalq yarışda birincilik qazanaraq fəxri kürsünün ən yüksək pilləsinə qalxıb.
Aztehsil.com xəbər verir ki, bu barədə trend-ə Bakı Şəhəri üzrə Təhsil İdarəsindən məlumat verilib.
Bakı Şəhəri üzrə Təhsil İdarəsinin tabeliyində olan Yavər Əliyev adına 235 nömrəli tam orta məktəbin 9-cu sinif şagirdi Cəlal Əliyev turnirdə bütün rəqibləri üzərində qələbə qazanıb.
C.Əliyev qızıl medal və I dərəcəli diplomla təltif olunub.
Qeyd edək ki, yarışda Azərbaycanla yanaşı, Ukrayna, Gürcüstan, Belarus və Moldovadan olan idmançılar qalibiyyət uğrunda mübarizə aparıblar.
