“Bir il təhsil alsan da dörd ilin ödənişini ETMƏLİSƏN” – Universitetlərin bu tələbi QANUNİDİR?
Yeni tədris ili gəlişiylə birgə bir çox qayğıları da bərabərində gətirdi. Həmin qayğılardan biri də bəzi universitetlərdə birinci kurs tələbələri ilə bağlanan müqavilələrdir.
Belə ki, bəzi universitetlər övladları birinci kursa qəbul olmuş valideynlərlə müqavilə bağlayarkən belə bir şərt irəli sürür ki, birinci kursdan sonra başqa universitetə keçid etmək istəsə, onda həmin şəxs qalan 3 ilin də təhsil haqqını ödəməlidir.
Nə qədər qəribə görünsə də bu, reallıqdır.
Məsələ ilə bağlı təhsil üzrə ekspert Nadir İsrafilovla həmsöhbət olduq.
O, Bizim.Media-ya açıqlamasında bildirib ki, hər universitetin öz daxili nizamnaməsi var:
“Ali təhsil müəssisələri də həmin nizamnaməyə uyğun fəaliyyət göstərir. Ona görə də bəzi ali məktəblərdə valideynlərlə bu cür müqavilələrin bağlanmasında təəccüblü bir şey yoxdur. Hər bir universitet özünü sığortalamaq istəyir. Çünki, özəl universitetlərin büdcəsi əsasən təhsil haqqı hesabına formalaşır.
Əgər hansısa universiteti il ərzində 15-20 tələbə tərk edərsə, onda həmin ali məktəb il ərzində ən azından 30-40 min manat vəsait itirmiş olur. Ona görə də universitet özünü fors-major hallardan sığortalamaq üçün bu cür addımlar atır”.
Nadir İsrafilovun sözlərinə görə, müqavilə o deməkdir ki, hər iki tərəf öz üzərinə müəyyən öhdəlik götürür:
“Universitetlər də çalışır ki, öz öhdəliklərini yerinə yetirmək üçün daha güclü iqtisadi dayanağa malik olsunlar. Əgər hansısa valideyni universitetin şərtləri qane etmirsə, o müqavilə bağlamaqdan imtina edə bilər.
Bu halda uşaq ən azı bir il təhsildən kənar qala bilər. Bunun və danışdığımız problemin baş verməməsi üçün hər bir valideyn və abituriyent ali məktəb seçərkən diqqətli olmalıdır. Seçdikləri universitetin daxili nizamnamə qaydalarını qabaqcadan öyrənməlidir ki, sonradan xoşagəlməz hallarla rastlaşmasınlar”.
Ekspert bu məsələdə günahı daha çox valideynlərdə görür:
“Ona görə ki, əksər valideynlərdə belə bir düşüncə var ki, hansı universitet olur-olsun, təki övladları kənarda qalmasın, qəbul olsun. Qəbul olandan sonra isə bu və digər problemlər ortaya çıxır. Problemsə əsasən reyrinqi aşağı olan universitetlərdə olur. Aparıcı universitetlər inanmıram ki, bu cür müqavilə şərtləri irəli sürsün”.
“Bir il təhsil alsan da, dörd ilin ödənişini etməlisən” - Universitetlərin bu tələbi QANUNİDİR?
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
İlham Əhmədov: "Hər bir ölkənin gələcəyi o ölkə insanlarının alacağı təhsilə bağlıdır"
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
"İstənilən universitet innovativ inkişaf yolunu seçə bilməz, bunun üçün universitetin müvafiq kadr potensialı olmalıdır" -Dosent İlham Əhmədov
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
Bakıdakı özəl məktəblərdə qiymətlər - REPORTAJ
Bakı təhsili: təqvim ilinin təhsil mənzərəsi
Prezident Bakıda Hərbi Qənimətlər Parkının açılışında iştirak edib
"Təhsildə yeni keyfiyyət mərhələsi başlayır" Azərbaycan Respublikasının Təhsil Naziri Mikayıl Cabbarovun “Azərbaycan” qəzetinə müsahibəsi
Paytaxt təhsili 2021-ci təqvim ilində
Pedaqoji Lüğət
Azərbaycan Respublikasında təhsilin inkişafı üzrə Dövlət Strategiyası
Distant təhsilə doğru ilk addımlar
Çox maraqlı və zəngin təhsil yolu.
Ümumtəhsil məktəbinin Nümunəvi Nizamnaməsi
Təhsilin inkişaf strategiyası: nailiyyətlər və əsas hədəflər - Nazir YAZDI
Yaponiya təhsili haqqında bilmədiklərimiz
Ümumtəhsil məktəbinin Nümunəvi Nizamnaməsi
"Distant təhsili olmayan universitetin beynəlxalq nüfuzu ola bilməz"-Dosent İlham Əhmədov
Təhsilsizlik səbəbindən davamlı torpaqlar itiririk
Təhsil mürəkkəb dinamik sistemdir
Valideynləri təhsil prosesinə cəlb etmək üçün intensiv işlər görülür