“Şahdağ Xeyriyyə” İB layihənin icrası davam edir.
“Şahdağ Xeyriyyə” İB 1 sentyabr 2022-ci il tarixindən Qeyri-Hökumət Təşkilatlarına Dövlət Dəstəyi Agentliyi maliyyələşdirilən “Aztəminatlı ailələrdən olan uşaqların “soft skills” – təməl bacarıqları ilə tanış edilməsi tədbirləri” adlı layihənin icrası davam edir. 2 ay müddətində icra ediləcək layihənin əsas ideyası aztəminatlı ailələrdən olan şagirdləri 21-ci əsrin vərdişləri olan yumşaq vərdişlərlə (“soft skills”) – təməl bacarıqlarla tanış etməkdir.
“Azərbaycan 2030: Sosial-iqtisadi inkişafa dair Milli Prioritetlər”i və bu sənədin “XXI əsrin tələblərinə uyğun təhsil” istiqaməti ölkəmizdə insan kapitalının formalaşması üçün çox əhəmiyyətlidir. Bu istiqamətli təhsil 21-ci əsrın əmək bazarı tələblərinə uyğun, rəqabət qabiliyyətli insan resurslarının yaradılmasını nəzərdə tutur. Müasir karyera inkişafına dair məqalələrdə "sərt bacarıqlar" və "yumşaq bacarıqlar" kimi terminlərə tez tez rast gəlirik. Bu bacarıqlar müasir əmək bazarında vacibdir.
Gəncləri bu bacarıqlara məktəb illərindən hazırlamaq lazımdır. Ənənəvi məktəb təhsili bu məsələlərin həllini nəzərdə tutmur. Bu məqsədlə belə mühüm bacarıqların sistemli öyrədilməsinə, ilkin mərhələdə şagirdləri bu haqda maariflənməsində ehtiyac var. Layihə çərvivəsində bu məsələlərə diqqət ediləcəkdir.
Layihənin indiki mərhələsində müvafiq kontentin seçilməsi və təhlili prosesləri aparılır. Daha sonra bu kontent əsasında təhsil müəssisələrində tədbirlər təşkil ediləcəkdir.
