Xəbərlər / Səhiyyə
24 iyun 2022
799
Meymunçiçəyi pandemiya elan olundu - RƏSMİ
Dünya Səhiyyə Şəbəkəsi meymunçiçəyini pandemiya elan edib.
Day.Az xarici mətbuata istinadən xəbər verir ki, bu barədə təşkilatın saytında məlumat yerləşdirilib.
Bildirilib ki, bu günə qədər 58 ölkədə 3417 təsdiqlənmiş meymunçiçəyinə yoluxma faktı aşkarlanıb. Təşkilat ölkələri və qlobal səhiyyə orqanlarını təcili və effektiv tədbirlər görməyə çağırıb.
Xatırladaq ki, Ümumdünya Səhiyyə Təşkilatı artıq dünyada xəstəliyin 3,4 mindən çox təsdiqlənmiş və 1,5 minə yaxın şübhəli halını qeydə alıb. Fransa, İsveç, İtaliya, Avstraliya, Kanada, Almaniya, Hollandiya, İsveçrə, İspaniya, ABŞ, Sloveniya, Çexiya, Gürcüstan və digər ölkələrdə xəstəliyə yoluxma halları var.
