Təhsilin çətin məqamları: Məktəblilərin ağır çanta problemi
Valideynlər məktəbli çantalarının ağırlığından narazıdırlar.
Bildirilib ki, kitablar, test tapşırıqlarının çox olması çantanın ağırlığına səbəb olur ki, bu da uşaqların onurğa sütununda deformasiyaların artması ilə nəticələnir.
Təhsil eksperti Kamran Əsədov Oxu.Az-a açıqlamasında bildirib ki, valideynlər uşaqları üçün məktəb ləvazimatı alarkən diqqətli olmalıdır:
“Bəzən şagirdlərin götürdüyü çantalar ya özü ağır olur, ya da onun içərisinə o qədər dəftər-kitab yığılır ki, bu da şagirdlər arasında onurğa əyriliyinə kimi gətirib çıxarır. Ona görə də məktəbli çantası mütləq yaşa uyğun seçilməlidir”.
O qeyd edir ki, bu gün təkcə dərs oxumaq yox, həm də o dərsi oxumaq üçün kitabları qoyduğumuz çantaları daşımaq müşkül məsələyə çevrilib:
“İndi əksər hallarda aşağı sinif şagirdlərinin çantasını şagirdlərdən çox valideynlərin daşıdığını görürük. Bu isə əlbəttə ki, məktəbli çantalarının ağırlığından irəli gəlir. Ağırlığı bəzən hətta 10 kiloqramı keçən çantalar tək şagirdlər üçün yox, elə valideynlər üçün də hər gün daşımalı olduqları yükə çevrilib.
Çantaların ağırlığının səbəbi hər fənn üzrə kitab və dəftərdən başqa, əlavə dərs ləvazimatlarının da daşınmasıdır. Şagird özü ilə hər fənn üzrə bir kitab, bir dəftər, bir test kitabı, bir iş dəftəri götürməlidir. Bunların hamısını yığdıqda çanta çox ağır olur. Bundan başqa bir çox şagirdlər özləri ilə yemək və su götürür ki, bu da çantanın daha da ağırlaşmasına gətirib çıxarır”.
Qeyd edək ki, beynəlxalq təcrübədə və qəbul olunan prinsiplərdə çantanın ağırlığı uşağın çəkisinin 14-15 faizini keçməməlidir: bu hesabla 8 yaşınadək olan uşaqlar 2 kiloqram (içindəkilərlə), 8-12 yaşınadək uşaqlar ən çox 4, 12-15 yaş uşaqlar isə 5 kiloqram ağırlığında çanta götürməlidirlər. İçində heç nə olmayan çantanın çəkisi 700 qramı keçməməlidir.
K.Əsədov bildirib ki, məktəbli çantalarının ağırlığı barədə monitorinq aparıb:
“I sinif üçün 5 kitab var, onların çəkisi 2 kiloqram 145 qramdır, iş dəftərləri ilə birlikdə 4 kiloqram və ya 5 kiloqrama yaxındır. Əlavə qələm və digər ləvazimatları da daxil etdikdə bu rəqəm 7 kiloqrama çatır. Bu, 1-ci sinif şagirdi üçün çoxdur.
Çıxış yolu kimi, onu qeyd edim ki, çalışma dəftərləri sinifdə qalmalı, tədris olunan fənlərin sayı azaldılmalı, kitabların həcmində ixtisarlar edilməlidir”.
Şagirdlər üçün çanta necə seçilməlidir?
Çiyin asqıları enli və ortopedik olan çantalar seçilməlidir. Onu alan zaman boş vəziyyətdəki ağırlığına diqqət edilməlidir. Ağır çanta uzun müddət daşındığı vaxt, uşaqlarda onurğa probleminə səbəb olur. Düzgün seçilən məktəbli çantası nəinki şagirdin yükünü azaldır, həm də onun sağlamlığını qorumağa kömək edir.
Valideynlərin diqqətinə! Məktəbli çantası seçəndə bunları nəzərə alın
Məktəblilərin daşıya bilmədiyi dərs yükü
Şagirdlər üçün alış-verişə az qalır..VALİDEYNLƏR DİQQƏT!
Çantaları özündən ağır uşaqlar - Onlar hansı xəstəliklərlə üz-üzədir?
Məktəbli çantasının çəkisi nə qədər olmalıdır?
Məktəb çantalarının ağırlığı problemini həll etmək üçün YENİ TƏKLİF
Təhsil sağlamlıq bahasına olmamalıdır
Mənəvi-psixoloji yük azmış kimi, “çanta yükü” də bir yandan - TƏHLİL...
Məktəblərdə uşaqlarımızın hüququ kobud şəkildə pozulur
Bölgələrdə məktəbli forması problemi
Şagirdlər hansı vaxtlarda dərs oxumalıdır? – Pediatr tövsiyəsi
Uşaqlarımızın məktəbdən soyumağının səbəbi - Məktəb nəyə lazımdır?
Valideynlərə məsləhət
Uşaqları dərs oxumağa həvəsləndirən qayda
İbtidai sinif dərsliklərində hər kitabın yanında 2-3 "balası" olmasa olmaz...İŞ DƏFTƏRLƏRİ lazımdırmı?
DİQQƏT !:SU ÇİÇƏYİ XƏSTƏLİYİ GENİŞ YAYILIB - AĞIR FƏSADLAR
Uşaqları dərs oxumağa həvəsləndirən 6 qayda
Nazir: “Valideynlər bəzi hallarda uşaqları lazımsız yükləyirlər, repetitor yanına göndərirlər”
Dərs oxumağa həvəsləndirən 6 qayda
Psixoloqlar məktəb direktorlarına çay daşımaqla məşğuldur... - Məktəbli intiharları ilə bağlı ÇAĞIRIŞ
Şagirdlərin vahid geyimi ilə bağlı RƏSMİ AÇIQLAMA
Kitab oxumaq sizə nələr qazandırır?
Məktəblərdə Müəllimlər Günü ilə əlaqədar pul yığılır? - AÇIQLAMA
Çirkli çanta, natəmiz dərsliklər, bərbad vəziyyətdə olan sanitar qovşağı... - Məktəbliləri virusdan necə qorumalı?