Xəbərlər / Ziyalılar
26 avqust 2020
17 323
Təhsil Nazirliyinin rəhbər işçiləri məktəbdə dərs aparsalar təhsilimiz bundan yalnız uda bilər-TƏKLİF
Özbəkstan prezidenti Şövkət Mirziyoyevin qərarı ilə ölkənin bütün rayonlarının icra başçıları il boyu həftədə 3 dəfə məktəblərdə dərs aparmalıdırlar.
Bu qərar belə əsaslandırılıb ki, məktəb xalqın gələcəyini müəyyənləşdirən məkandır, xalqın taleyi burada həll edilir, rəhbər işçilər gərək daim məktəblərdə olsunlar, təhsilin problemlərini öz gözləri ilə görüb, yerindəcə həllinə nail olsunlar, hamılıqla təhsilə dəstək versinlər. Çox gözəl təşəbbüsdür. Nümunə götürmək olar. Vaxtı ilə respublikamızın Maarif Naziri olmuş akademik Mehdi Mehdizadə də tez tez məktəblərdə nümunəvi dərs aparırdı.
Bizim TN-nin rəhbər işçiləri və RİH başçıları da həftədə heç olmasa 2 dəfə məktəbdə dərs aparsalar təhsilimiz bundan yalnız uda bilər. Amma heç bir pedaqoji təcrübəsi olmayan nazirlik məmurları məktəbdə hər hansı bir fənndən 45 dəqiqə dərs apara bilərmi ? Və ya ofisiantlıqdan icra başçısı vəzifəsinə gedənləri məktəblərə yaxın qoymaq olarmı? Hələlik bizim RİH başçıları məktəblərə kömək etmək əvəzinə məktəbləri soyurlar.
Dosent İlham Əhmədov
