Xəbərlər / Ekspert
10 avqust 2017
23 318
4 500 məktəbin direktorları və direktor müavinləri çaşqınlıq içindədirlər.Bu əndrabadi təlimata açıqlama verən yoxdur??
Təhsil eksperti Elşən Qafarov yeni təlimatla bağlı öz fikirlərini təhsil işçiləri ilə bölüşüb
Yeni dərs ilindən məktəb rəhbərlərinin dərs yükü ilə bağlı verilən suallara cavab olaraq ən son təlimatı nəzərinizə çatdırırıq. Belə ki, ümumtəhsil məktəblərinin direktor və müavinlərinə 6 saatadək dərs verilə bilər. Lakin bu yalnız həmin məktəbdə müəllimlərin diaqnostik qiymətləndirmə nəticəslərinə uyğun ədalətli dərs bölgüsündən sonra və ya ixtisas müəllimi olmadığı hallarda mümkündür.
Rəhbər işçilərdən bəzilərinə 6 saatadək dərs demək maddi baxımdan əlverişli deyildirsə (əsasən 0,5 ştat işləyənlər), onların avqust ayında keçiriləcək diaqnostik qiymətləndirmədə iştirakına icazə verilmişdir. Həmin şəxslər yüksək nəticə göstərdiyi halda işlədiyi məktəbdə topladığı bala uyğun dərs saatı ilə təmin olunacaqdır (əgər həmin saatlar MİQ-də tutulmamışdırsa) və bu halda həmin müavin və ya direktor tədris ili başlayanadək inzibati vəzifədən azad olunaraq adi müəllim kimi fəaliyyət göstərəcəkdir. Yəni inzibati vəzifə tutan şəxs heç bir halda 6 saatdan artıq dərs saatına iddia edə bilməz.
Metodistlərin də diaqnostik qiymətləndirmədə iştirakı könüllüdür. Vakansiyalar tutulduqdan sonra onların məktəbdə dərs saatı aparmasına Təhsil Şöbəsinin təqdimatı və Təhsil Nazirliyinin razılığı ilə topladığı diaqnostik qiymətləndirmə balına uyğun razılıq verilə bilər.
