Magistraturaya sənəd verənlərə tövsiyyə-Dosent İlham Əhmədov

İnsan tez-tez müəyyən seçimlər qarşısında qalır. Bunlardan ən mühümü peşə, ixtisas seçimidir.

Bu seçim, gənclərin ailə qurması qədər məsuliyyətli bir işdir. Amma gənclər özlərinə peşə seçdikdə çox vaxt səhvə yol verirlər. Bu seçim məsələsi Peşəyönümü tədbirləri ilə tənzimlənir. Peşəyönümü işi kompleks problem olub, təhsil, məşğulluq, iqtisadiyyat kimi sahələrin diqqət mərkəzində olmalıdır. Müstəqillik illərində peşəyönümü işi uzun müddət kölgədə qalmışdır (yalnız məşğulluq mərkəzləri qismən bu işlə məşğul olur). Peşəyönümü işi məktəbdə, universitetdə, hətta magistraturaya sənəd verən də də nəzərə alınmalıdır. Bu mərhələdə səhv addımdan necə sığortalanmaq olar ? Ali təhsilin iki pilləsi arasında (bakalavr və magistr) tələbə qısamüddətli fasilə etməli, bir az düşünməlidir: mən bu ixtisası vaxtı ilə (bakalavra qədərki müddətdə) düzmü seçmişəm, bəlkə bu ixtisas heç mənə uyğun deyil? Bu ixtisasın perspektivi varmı? Təhsil sistemimizdə peşəyönümü işinin zəif olması və ali məktəbə qəbul imtahanlar ərəfəsində peşəyönümü məsələləri unudulduğu üçün tələbə və valideyn bu işi özləri görməlidirlər. Əks halda tələbə perspektivi olmayan və ya ürəyinə yatmayan, sevmədiyi ixtisasa yiyələnəcəkdir. Bu halda mövcud təlimatların verdiyi imkan daxilində magistratura təhsilinin istiqamətini vaxtında korreksiya edilməlidir? Gələcək magistrın bu suallar ətrafında düşünməsi ona öz gələcəyini şüurlu şəkildə seçməsinə, onun öz şəxsi karyera inkişafı ilə bağlı məsuliyyəti üzərinə götürməsinə imkan verər.