Peşəyönümlü Təhsilin İnkişafına Yardım İctimai Birliyi "Evdə qal, cəmiyyəti qoru!" kampaniyasına qoşularaq Distant Təhsil ideyalarını təbliğ edir.

Peşəyönümlü Təhsilin İnkişafına Yardım İctimai Birliyi də Azərbaycan Respublikası Prezident yanında Qeyri-Hökumət Təşkilatlarına Dövlət Dəstəyi Şurasınin "Evdə qal, cəmiyyəti qoru!" kampaniyasına qoşulub.

Pandemiya dövründə əksər ölkələr universitet və məktəblərdə təlim-tərbiyə prosesini saxlayıb, distant təhsilə keçmişlər. Respublikamızda da bu istiqamətdə ilk addımlar atılır.

Lakin bu sahədə ölkəmizdə az təcrübə olduğuna görə görülən işlər hələ yetərli deyil. Belə ki, azərbaycan dilində təhsil yönümülü İnternet resurslar azdır. Şagird və tələbələrin bu resurslara əlyetərliyinin az olması, tanınmış distant təhsil portallarının ölkəmizdə az tanınması uşaqların evdə olduğu müddətdə vaxtlarında faydalı istifadə etməsinə mane olur.

Şagird və tələbələrin təhsillərinə dair əlavə biliklər əldə etməsinə, onların ev şəraitində özünütəhsillə məşğul olmasına dəstək məqsədi ilə PTİYİB öz feysbuk səhifəsində bu gündən başlayaraq mütəmadi surətdə azərbaycan, türk, rus və ingilis dilli onlayn təhsil resurslarına, təhsil portallarında keçid üçün linklər yerləşdirəcək. Əlavə olraq, azərbaycan dilində təhsil yönümlü açıq İnternet resursların linkləni yerləşdirəcək.

Dosent İlham Əhmədov.Təhsil eksperti.

Məqalə Göndər