"Təhsil" Cəmiyyəti Bakıdakı Ağdam məktəbində görüş keçirdi - FOTOLAR

İyunun 1-də Azərbaycan Respublikası "Təhsil” Cəmiyyəti Ağdam rayonunun 34 saylı məktəbində müəllim və şagirdlərlə görüş keçirib.

Görüş Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən "Məcburi köçkün məktəblərində elm və təhsilə marağın təşviq edilməsi” layihəsi çərçivəsində reallaşdırılıb.

Layihənin koordinatoru, "Təhsil” Cəmiyyətinin nümayəndəsi Taleh Şahməmmədli görüşün keçirilməsində məqsədin məcburi köçkün məktəblərində təhsil alan şagirdlərdə elm və təhsilin təbliğ edilməsi, məktəblilərdə keyfiyyətli bilikllərin qazanılmasının motivasiya edilməsi olduğunu bildrib.

Aztehsil.com xəbər verir ki, tədbirdə çıxış edən "Moderator.az” xəbər portalının baş redaktoru Zülfüqar Hüseynzadə ölkəmizin gələck inkişafı və işğal edilmiş torpaqlarımızın azad edilməsi, xalqımızın dünyada özünə layiq yer tutması naminə yeni nəslin yüksək təhsil qazanmasının vacibliyini vurğulayıb.

Tanınmış jurnalist Seymur Verdizadə şagirdlərin dünyagörüşünün formalaşmasında və elmə maraqlarının artırılmasında belə tədbirlərin əhəmiyyətini vurğulayaraq bildirib ki, Azərbaycanın gələcəkdə dünya miqyasında özünə layiq yer tutmasında bugünkü gənc nəslin üzərinə böyük məsuliyyət düşür. Tanınmış təhsil eksperti Etibar Əliyev qeyd edib ki, məcburi köçkün məktəblilərin yaxşı təhsil alması ikiqat məsuliyyət tələb edir. Buna görə də hər birimiz onların savadlı yetişməsində əlimizdən gələni etməliyik.

Məktəbin yuxarı sinif şagirdləri Firəngiz Qurbanova, Zəhra Əzizova, Zülfiyyə Qarazadə, Sevinc Novruzova və başqaları görüş barədə və gələcək təhsil arzuları haqqında fikirlərini bildiriblər.

Sonda çıxış edən məktəbin direktoru Nailə Rüstəmova görüşün təşkilatçılarına və qonaqları minnətdarlığını bildirərərək qeyd edib ki, belə tədbirlərin keçirlməsi şagirdlərin təhsilə marağının artırılmasında vacibdir və pedoqoji kollektivin fəaliyyətinə böyük dəstəkdir.