Xəbərlər / Yazarlar
06 dekabr 2019
1 872
Bu gün Milli Hüquq evində Direktor.az saytının rəhbəri Elşən Qafarov jurnalist tələbələr ilə görüş keçirib.
Bu gün Milli Hüquq evində Direktor.az saytının rəhbəri Elşən Qafarov jurnalist tələbələr ilə görüş keçirib.
AzTehsil.com xəbər verir ki, görüşün əsas məqsədi tələbələri saytla yaxından tanış etmək, eyni zamanda maarifləndirməkdən ibarət olub. Görüşü giriş sözü ilə açan E.Qafarov təhsillə bağlı saytların azlığından danışıb. O bildirib ki, hal-hazırda təhsil sahəsində belə saytlara böyük ehtiyac var. Daha sonra sözü təhsil üzrə ekspert Nadir İsrafilova verib. Ekspert jurnalistlərə hər zaman obyektivliyi gözləməyi, dəqiq araşdırma apararaq doğru nəticə çıxarmağı məsləhət görüb.
Görüşdə iştirak edən Mektebgushesi.az saytının rəhbəri Məzahir Məmmədli tələbələrə təhsil sahəsində fəal olmağı, sahib olduğu peşədə özünü doğrultmağı arzulayıb. Sonda söz Bakı Slavyan Universitetinin müəllimi Mübariz Əhmədova verilib. O, jurnalist peşəsinə sahib olan hər kəsə jurnalist etikasından kənara çıxmamağa, jurnalistin etik kodekslərinə bələd olaraq riayət etməyə, jurnalistika peşəsini sevməyə və bu adı doğrultmağa səsləyib.
Qeyd edək ki, Görüş müzakirələr ilə davam edib.
Nəzrin Kərimova
