Xəbərlər / Müəllim
22 oktyabr 2016
5 977
40 illik pedaqoji təcrübəsi olan müəllim döş nişanı ilə təltif edildi
Aşurova İmarət Abdulkərim qızı 1957-ci ildə Azərbaycan Respublikasının Vartaşen (Oğuz) şəhərində ziyalı ailəsində anadan olmuşdur. O,1963-1967-ci illərdə Vartaşen rayonunun Bucaq kənd səkkizillik məktəbində, 1967-1973-cü illərdə Oğuz şəhərindəki 2 №-li orta məktəbində oxumuşdur. 1973-1977-ci illərdə Azərbaycan Pedaqoji İnstitutunda (ADPU) təhsil alaraq fizika müəllimliyi ixtisasına yiyələnmişdir. 1977-1991-ci illərdə Oğuz şəhər 1 №-li orta məktəbində fizika müəllimi işləmişdir. 1994-2014-cü illərdə H.Babayev adına Oğuz şəhər 1 №-li-tam orta məktəbdə təlim-tərbiyə işləri üzrə ditrektor müavini vəzifəsində işləmişdir. 2014-cü ildən Oğuz şəhər 3 №-li tam orta məktəb-liseydə təlim-tərbiyə işləri üzrə direktor müavini işləyir.
İmarət Aşurova peşəsini sevmiş və onu şagirldlərinə sevdirməyi bacarmışdır. 1989-cu ildə "Baş müəllim” adına layiq görülmüş,1991-ci ildə ”İlin müəllimi " müsabiqəsinnin qalibi olmuşdur. Pedaqoji kadrlara qarşı tələbkar olan İmarət Aşurova payonun pedaqoji həyatənda yaxından iştirak etmiş,dəfələrlə Azərbaycan Respublikası Təhsil Nazirliyinin, Oğuz Rayon İcra Hakimiyyətinin və Oğuz Rayon Təhsil Şöbəsinin Fəxri Fərmanlarına layiq görülmüşdür. Azərbaycan Respublikası Təhsil Nazirliyinin04 oktyabr 2016-cı il tarixli əmri ilə "Azərbaycan Respublikası qabaqcıl təhsil işçisi” döş nişanı ilə təltif olunmuşdur.
Təbrik edirik!
