ADPU-nun əməkdaşı Aynur Abdullayeva ADPU-nun baza məktəbində təlim keçdi

 Azərbaycan Respublikasının Təhsil naziri cənab Mikayıl Cabbarovun 2016-cı il iyul ayının 20-də Azərbaycan Dövlət Pedaqoji Universitetinin (ADPU) baza məktəbi barədə imzaladığı əmrə əsasən pedaqoji ali məktəblərlə ümumi təhsil müəssisələrinin işgüzar əməkdaşlığının təmin olunmasına etibarlı zəmin yaratmaq məqsədilə Bakı şəhərindəki Məmməd Rahim adına 7 nömrəli tam orta məktəbin 2016-2017-ci tədris ilindən etibarən ADPU-nun baza məktəbi hesab edilməsi müəyyən olunub. Bununla əlaqədar olaraq artıq universitet və məktəb arasında ilkin işlərin həyata keçirilməsinə başlanılıb. Qeyd edək ki, Nazirlər Kabinetinin 11 iyul 2016-cı il tarixli 271 nömrəli qərarı məktəbəhazırlıq təhsilinin (1 il) icbariliyinin təmin olunmasına istiqamətlənmişdir. Qərara əsasən dövlət ümumtəhsil müəssisələrində 2016-2017-ci dərs ilindən başlayaraq dövlət büdcəsinin vəsaiti hesabına məktəbəhazırlıq qrupları açılacaqdır. Təhsil nazirinin 5 avqust 2016-cı il tarixli 548 nömrəli əmrinə əsasən həmin qruplarda işə cəlb olunacaq müəllimlərin səriştələrinin möhkəmləndirilməsi məqsədilə Təhsil İşçilərinin Peşəkar İnkişafı İnstitutu ümumtəhsil məktəblərinin məktəbəhazırlıq qruplarında dərs deyən müəllimlərin təlimatlandırılması üçün təlimçi hazırlığında ADPU-nun əməkdaşı Aynur Abdullayeva 25-31 avqust tarixlərində təlimdən keçərək ADPU-nun baza məktəbi olan Məmməd Rahim adına 7 nömrəli tam orta məktəbdə 5-10 avqust tarixlərində Səbail rayonun 236,162, 49, 189-190, 203, 329, 91, 239 və 7 nömrəli tam orta məktəblərinin 27 nəfər ibtidai sinif müəllimlərinə "Məktəbəhazırlıq siniflərində dərs deyəcək müəllimlər üçün”təlim keçmişdir. Aynur Abdullayeva 6 günlük təlimi interaktiv təlim metodları şəkilində beşyaşlıların məktəbəhazırlığı "Azərbaycan Respublikasında məktəbəqədər təhsilin proqramı (kurikulumu) (3-6 yaş)” əsasında həyata keçirmişdir. Onu da qeyd edək ki, bu sənəd Təhsil Nazirliyinin 10 iyul 2012-ci il tarixli 1329 nömrəli əmri ilə təsdiq edilmişdir. "Məktəbəhazırlığın təşkili Qaydaları” isə 8yanvar 2010-cu ildən qüvvəyə minmişdir.

ADPU-nun Ictimayyətlə Əlaqələr Şöbəsi