Xəbərlər
20 oktyabr 2017
3 523
Bu universitet 700 bal toplayan tələbələrin sayına görə liderdir
Bu il Bakı Ali Neft Məktəbi (BANM) bir çox göstəricilərə görə ölkədə birincisi olub.
Aztəhsil.com xəbər verir ki, ali məktəbdən "report"a verilən məlumata görə, onlardan biri də qəbul imtahanlarından ən yüksək bal toplayan tələbələrin sayına görə liderlikdir.
Belə ki, 700 bal toplamış builki abituriyentlərin seçdikləri ali məktəblər üzrə statistikada BANM birinci yeri tutur. Həmin statistikaya əsasən 700 bal toplamış 15 nəfərin 7-nin seçimi BANM olub. Onlardan 5 nəfər "Proseslərin Avtomatlaşdırılması Mühəndisliyi”, iki nəfər isə "Kimya Mühəndisliyi” ixtisasını seçib.
Həmin tələbələrin siyahısını təqdim edirik:
- Əsədzadə Mahirə Məhəbbət qızı
- Əliyeva Xalidə Vüqar qızı
- Əhmədov Elmir Rövşən oğlu
- Cəbrayılov Vahab Fuad oğlu
- Əsgərzadə Abdulla Sahib oğlu
- Məmmədova Jalə Müşviq qızı
- Əliyev Qabil Elçin oğlu
BANM-in rektoru Elmar Qasımov həmin gənclərlə görüşüb. Rektor onların nəinki BANM-in, həmçinin bütün Azərbaycan xalqının fəxri hesab etdiyini vurğulayıb, tələbələrlə yaxından tanış olub və onların gələcək planlarını dinləyib.
E.Qasımov tələbələrə öz tövsiyyələrini verərək onları daha yeni zirvələr fəth etməyə ruhlandırıb.
