Xəbərlər
11 oktyabr 2017
3 579
ADPU UCC əməkdaşları ilə görüşüb
Oktyabrın 10-da Azərbaycan Dövlət Pedaqoji Universitetində (ADPU) olan Danimarkanın Kopenhagen Universitet Kollecinin (UCC) əməkdaşları Məktəbəqədər təhsil, psixoloji xidmət və korreksiyaedici təlim fakültəsində görüş keçirilib.
Beynəlxalq əlaqələr şöbəsinin əməkdaşları ilə birgə fakültədə olan UCC əməkdaşları əsasən məktəbəqədər təhsillə maraqlanaraq Məktəbəqədər təhsilin pedaqogikası və metodikası kafedrasında müəllim və "Məktəbəqədər təlim və tərbiyə” ixtisası tələbələri ilə görüşüb söhbət ediblər.
Görüş zamanı UCC əməkdaşları universitetlərarası tələbə mübadiləsinin həyata keçirilməsi arzusunda olduqlarını bildiriblər.
Görüş hər iki tərəf üçün maraqlı olan məlumat mübadiləsi ilə başa çatıb.
