"Qərbi Azərbaycana qayıdış” olimpiadasının regional mərhələsi keçirilib
"Qərbi Azərbaycana qayıdış” olimpiadasının regional mərhələsi keçirilib.
AzTehsil.com xəbər verir ki, Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrində təhsil alan IX və X sinif şagirdləri arasında “Qərbi Azərbaycana qayıdış” olimpiadasının regional mərhələsi keçirilib.
Azərbaycan Respublikası Elm və Təhsil Nazirliyi, Naxçıvan Muxtar Respublikasının Təhsil Nazirliyi, Azərbaycan Respublikasının Təhsil İnstitutu, Naxçıvan Dövlət Universiteti və Qərbi Azərbaycan İcmasının birgə tərəfdaşlığı ilə keçirilən olimpiadada Mil-Muğan regionu üzrə 64 nəfər şagird iştirak edib.
Regional mərhələnin nəticələri əsasında olimpiadanın final mərhələsində iştirak edəcək şagirdlər müəyyən olunacaq.
Olimpiadanın təşkilində məqsəd şagirdlər arasında Qərbi Azərbaycanın tarixi, coğrafiyası, mədəniyyəti, ədəbiyyatı, görkəmli ictimai xadimləri, tarixi şəxsiyyətləri, toponimləri, folkloru haqqında maarifləndirmə işlərini aparmaq və biliklərin dərindən öyrənilməsini təmin etməkdir.
