Xəbərlər
28 noyabr 2023
444
Azərbaycanda il ərzində akkreditasiyadan keçən ali təhsil müəssisələrinin sayı açıqlandı
“Bu il 10 ali təhsil müəssisəsinin akkreditasiyası yekunlaşıb”.
“Report” xəbər verir ki, bunu Təhsildə Keyfiyyət Təminatı üzrə Dövlət Agentliyinin sədr müavini, sədrin vəzifəsinin müvəqqəti icraçısı Kamran Rəsulov “Effektiv kommunikasiya” mövzusunda keçirilən seminarda deyib.
Onun sözlərinə görə, üç universitet isə hazırda qərarvermə mərhələsindədir:
“Bura Bakı Mühəndislik Universiteti, ADA və Azərbaycan Tibb Universiteti daxildir. Ümumilikdə bu il üçün 13 ali təhsil müəssisəsinin akkreditasiyadan keçirilməsi nəzərdə tutulub. Bir il sonra təkrar akkreditasiya keçiriləcək. Növbəti ildə də 13 ali təhsil müəssisəsi qrafikə salınıb”.
