Xəbərlər
03 noyabr 2023
521
Bağçalara ayrılan vəsait niyə azaldılıb? - Nazirdən AÇIQLAMA
Məktəbəqədər təhsil xərclərində azalma var, amma burada söhbət maddələrdən gedir.
“Trend”in məlumatına görə, bunu Milli Məclisinin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin birgə iclasında “Azərbaycan Respublikasının 2024-cü il dövlət büdcəsi haqqında” müzakirəsi zamanı maliyyə naziri Samir Şərifov deyib.
“Hazırda Elm və Təhsil Nazirliyi tək ərzaq xərcləri maddəsi üzrə bağçalarda qidalanma məsələlərini həll etmir, eyni zamanda, isti yemək verilməsi yolu ilə yeməkçatdırma (keyterinq) şirkətlərini bu işlərə cəlb edirlər. Artıq bağçalara isti yeməklər çatdırılır”, - deyə nazir bildirib.
