İmkansız ailələrin uşaqlarına pulsuz məktəbli formaları verilib? – FOTO
Bir neçə gün əvvəl elm və təhsil naziri Emin Əmrullayev yeni tədris ilinə dair media üçün keçirdiyi brifinqdə bildirib ki, ailənin sosial durumu zəifdirsə, məktəbli formasını əldə etmək üçün təhsil ocaqlarının rəhbərliyinə müraciət etsinlər:
“Direktorların köməyi ilə nazirliyin tərəfdaşları olan korporativ şirkətlər həmin ailələrə kömək olarlar”.
Bəs şirkətlər tərəfindən sosial durumu zəif olan ailələrə forma yardımı edilir? Direktorlar bununla bağlı korporativ şirkətlərə müraciət ediblərmi?
Məsələ barədə məktəbli formasının satışı ilə məşğul olan şirkətlərlə əlaqə saxladıq.
Yalnız bir neçə şirkət ünvanladığımız suallara cavab verib.
“Bakı Tikiş Evi” Açıq Səhmdar Cəmiyyətinin satış şöbəsinin müdiri Etibar Əzimov Oxu.Az-a açıqlamasında bildirib ki, müəssisə özəldir və bank krediti ilə işləyir:
“Bizim imkanımız Bakı şəhərində sosial vəziyyəti aşağı olan hər kəsi forma ilə təmin etmək gücündə deyil. ASC Nəsimi rayon ərazisində yerləşir və burada yaşayan o cür ailələrə kömək edirik. Nəsimi Rayon İcra Hakimiyyətinin siyahısında olan şəhid, qazı və imkanı zəif olan ailələrin uşaqlarına 72 dəst məktəbli formaları vermişik.
Eyni zamanda, ölkədə fəaliyyət göstərən Qeyri-Hökumət Təşkilatlarının müraciətlərinə əsasən, bu il 11 dəst məktəb formasını pulsuz olaraq, imkansız ailələrə paylamışıq”.
Məktəbli formalarının satışı ilə məşğul olan mağazanın təmsilçisi Ruzbek Müqaddami isə Oxu.Az-a açıqlamasında deyir ki, sözügedən məsələyə millətimiz çox həssasdır:
“İmkanı olan vətəndaşlar bizim mağazadan forma alıb, sosial vəziyyəti zəif olan ailələrə təqdim edirlər. Bizim mağaza tərəfindən də, bu cür ailələrə köməklik edilir”.
R.Müqaddami əlavə edib ki, məktəb direktorlarından onlara belə bir təşəbbüs gəlməyib.
“Bakı Tekstil Fabriki”nin (“BTF”) icraçı direktoru Elçin Babayev isə saytımıza açıqlamasında bildirib ki, sosial durumu zəif olan ailələrə kömək edilir:
“Biz sosial vəziyyəti zəif olanlara dəstək oluruq. Bu, həssas məqamdır. Şəhid, qazı və maddi vəziyyəti zəif olan ailələrin övladına məktəbli formaları təqdim edirik”.
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Yeni məktəbli forması qane edirmi?- Ekspertlər və valideyinlərin rəyi
Nazirlər Kabinetindən xüsusi karantin rejimi ilə bağlı YENİ QƏRAR
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
“Məktəbli forması” yenidən gündəmdə
Nazirlər Kabineti AYDINLIQ GƏTİRDİ: “Bu şəxslər mağaza, bank və apteklərə getməkdə sərbəstdirlər!”
Ali təhsil müəssisələrinin brendlənməsinə yanaşma
Pedaqoji kadrların yerdəyişməsi və işə qəbulu QAYDALARI
Metodbirləşmələr
Nadir İsrafilov: "Bu il məktəbli formalarında dəyişiklik mümkün olmayacaq."
Məktəb həkiminin işi haqqında təlimat
Valideynlərin nəzərinə: Saxta məktəbli formaları satılır
Təhsil Nazirliyinin ƏSASNAMƏSİ
Məktəbli formalarında ediləcək yeniliklərlə bağlı açıqlama: “Bunun üçün böyük vaxt lazımdır”
Uşaq hüquqlarının həyata keçirilməsinə dövlət nəzarəti QAYDASI
Bu şəxslərə məktəbli formaları pulsuz paylanacaq (RƏSMİ)
Məktəbli formasını "Bakı Tikiş Evi"ndən başqa yerdən almaq olmaz? - AÇIQLAMA
Azərbaycan Respublikası Təhsil Nazirliyi sistemindəki məktəbdənkənar müəssisə haqqında nümunəvi əsasnamə
Şagirdlərin vahid geyimi ilə bağlı RƏSMİ AÇIQLAMA
Etibar Əzimov: Avqust ayının son günlərini yaşamağımıza baxmayaraq, məktəbli formalarına təlabat çox aşağıdır
LDU-ya qəbul olan abituriyentlərin qeydiyyatı davam edir..Rəhbərliyin imkansız tələbələrə yaratdığı şərait
Nadir İsrafilov: “Əgər hər məktəb dörd geyim formasından birini seçəcəksə, bunun nəyi vahid forma olur.”
Sanitariya-epidemioloji salamatlıq haqqında Azərbaycan Respublikasinin Qanunu
Valideynləri təhsil prosesinə cəlb etmək üçün intensiv işlər görülür